ياسمين الخطيب للفتيات: ما تتجوزوش مفيش حاجة اسمها عنوسة ولا قطر جواز

حرصت الإعلامية والكاتبة ياسمين الخطيب على توجيه عدة نصائح للفتيات لتحقيق ذاتهم بالشكل الصحيح ومن أجل حياة سعيدة، مؤكدة أن "العنوسة" و"قطر الزواج" مصطلحات وهمية فرضها المجتمع العربي.

وكتبت "ياسمين": "عجيب جداً منطق النساء والرجال في بلادي.. هو بيشقى ويتمرمط عشان يحوش قرشين، وبعدين يحطهم كلهم في شقة ومهر وشبكة، للست إللي هايقعد على القهوة يلعنها ما تبقى من عمره! وهي سقف أحلامها، عريس ييجي يحقق كل أحلامها!".

وأضافت: "ما تتجوزوش يا جماعة إلا وانتم على يقين إنكم بتحبوا.. ما فيش غرامات للي مش متجوز والله! ونفضوا خالص للصعبانيات بتاعة عايزين نفرح بيك.. ونفسي أشوف عيالك قبل ما أموت!اشتري الشقة وعيش فيها لوحدك عادي وسافر، سافر بفلوس المهر والشبكة، ولا اعمل أي حاجة بتحبها".

وتابعت: "وانتي يا آنسة ما حدش مستعجلك، ولا فيه أصلاً حاجة اسمها (عنوسة)، ولا (قطر جواز)! دي مصطلحات وهمية المجتمع بيرهبك بيها.. كملي دراستك، وحققي أحلامك على مهلك وبنفسك ما تنتظريش راجل ييجي يحققهالك هو مش بابا نويل!".