بعد وصف يسرا اللوزي بـ”أم الطرشة”.. زينة ترد :ولا بني آدم ولا شيطان انت مخلوق ضعيف ومريض
قامت الفنانة زينة بالرد على المتابع المتنمر بابنة يسرا والذي وصفها في إحدى التعليقات بـ"أم الطرشة".
وكتبت زينة عبر حسابها الرسمي بموقع الصور الشهير "إنستجرام" :"عارفين يعني ايه ام !! يعني حب وتضحية ومعاناة وعطاء وتعب ومسؤلية وحاجات كتير مالهاش وصف ...عارفين يعني ايه طفل او طفلة !!! يعني مستقبل وحياة وعمر جاي وتفاؤل وحب ...عارف يعني ايه تعاير طفلة يعني الشيطان نفسه يخجل انه يعمل كده يعني انت لا شيطان ولا بني ادم انت حاجه مالهاش وصف !! انت مخلوق ضعيف ومريض مرض مالوش تشخيص لان اي مخلوق حتي الشيطان اشرف منك انت وامثالك مكانكم المجاري ولو ان المجاري فيها كائنات حيه اشرف منك ...الطفلة دي ميزها ربنا واختبر امها اختبار صعب نجحت وجاهدت وحاربت واشتغلت علشان تقف جنب بنتها اللي مايشرفهاش تعرف امثالك منك لله وربنا هو اللي قادر ينتقم منك يا معدوم القلب والضمير".