حقيقة تعرض شوبير لحادث خطير

كشف الإعلامى أحمد شوبير حارس مرمى الأهلي السابق ، عن شعوره بحالة الرعب جراء الإصابة من فيروس كورونا فى الأيام الأخيرة ، وذلك فى برنامجه الإذاعى عبر أون سبورت إف إم .

حيث قال:" مش هاخبى عليكو.. بجد أول مرة من بداية أزمة كورونا أحس أنى عايش فى حالة رعب منها، أغلب اللى حواليا من صحابى وأهلى أصيبوا بالفيروس اللعين، كل واحد لازم يخاف على نفسه وعلى أهل بيته، لما بخرج لأى مكان بحس أنى هرجع بيها".

وتابع شوبير: "ألف سلامة على زمايلى فى أون سبورت سيف زاهر وعمرو الدسوقى وعلى كل مصابى كورونا، بس فى نفس الوقت مضايق من السوشيال ميديا هتجننى بجد، رغم دورها الرائع فى بعض الأمور لكنها مسرح خصب للشائعات، قالوا شوبير عنده كورونا مرة ومرة ثانية قالوا عمل حادثة خطيرة وفى المستشفى وطلعت بنفسى على الشاشة كدبت ومع ذلك استمرت الشائعة".

وأتم شوبير: "الايام دى بقى الشائعات شغالة على التعليم، بيقولك إلغاء الامتحانات وتعليق الدراسة، يا جماعة الدولة لما شافت أن التعليم لازم يوقف وقفوه بدون شائعات، فبلاش نسمع للكلام ده من فضلكم".