عفاف شعيب :الراجل اللي يغسل المواعين ميبقاش راجل

أكدت الفنانة عفاف شعيب أنها اكتشفت أن هناك بعض الأزواج، يهتمون بالأعمال المنزلية بصورة كبيرة وقد يدخل بعضهم إلى المطبخ ويتولى غسل الصحون بنفسه، قائلة :"والبنات فين أهاليهم ما علمهومش بيتك ولازم تكوني نضيفة في بيتك وشكلك، في مثل بيقول في رجال وفي رج رج، الراجل اللي بيغسل المواعين ده يبقى رج رج أنصاف رجال يعني، والبنات متزعلش، البنات تحافظ على بيتها وجوزها، وكفاية جواز وطلاق، يمكن هو طيب، ساعديه واتعاوني معاه، أنا مش ضد إنه يغسل المواعين بس في نفس الوقت متخليهوش كراجل تتقل قيمته".

وأضافت : "الست ست والراجل راجل، الرجال قوامون على النساء بما أنفقوا، هو بينفق، ولو هي بتشتغل يفهموا بعض ويتعاونوا، في بنات بتطلق من تاني شهر ليه؟ حافظي على بيتك وخلفي عيل ولا عيلة، نسبة الطلاق عندنا بتزيد لأن مفيش توجيه صح".

وأكدت عفاف شعيب على أن هناك شباب على جانب آخر، لا يتحملون المسئولية ويتركون كل شيء على الفتاة لتتحمله وهذا أيضًا أمر خاطئ.