فيفي عبده ترد علي شائعة وفاتها : رجلي وجعاني بس

حرصت الفنانة فيفي عبده، علي طمأنة  جمهورها ومتابعيها بعد تعرضها لوعكة صحية  وانتشار شائعة وفاتها خلال  الفترة الماضية حيث قالت :" يا مساء الفل والياسمين أنا ببعت لكم رسالة ناس كتير بتتطمن عليا بيقولوا أنا في العناية المركزة وفي آخر لحظاتي مفيش الكلام ده ربنا اللي يعلم.

ونشرت فيفي  فيديو عبر حسابها الشخصي بموقع تبادل الصور والفيديوهات الشهير إنستجرام، :"أنا الحمد لله كويسه وبحمد ربنا رجليه وجعاني بس بتحسن بفضل دعاكم ليا وبشكركم على احساسكم للي الناس اللي بتحبني".

فيما ردت فيفي عبده على مروجي الشائعات التي طالتها في الأيام الماضية:"أما الناس اللي بتطلع عليا إشاعات جامدة إني أنا موت بس دي حاجه بتاعت ربنا والحقوها في الرعاية حرام عليكم تخضوهم عليا اللي مبيحبنيش منك لله حسبي الله ونعم الوكيل ويا سلام الناس تقول عليه كده وأنا عايش ربنا يدني الصحة ونكتفي بذلك القدر".

وكانت فيفي عبده قد كشفت مؤخرا عن مرورها بوعكة صحية عبارة عن ألم في الظهر، وأنها لا تستطيع الحركة وطالبت الجمهور والمتابعين بالدعاء لها لتخطي وعكتها الصحية.