من شوبير لرمضان: متسبش ودنك للجمهور والسوشيال ميديا.. وياريت تبعد عن الشد العصبي

حرص الإعلامي أحمد شوبير حارس مرمى الأهلي السابق، علي توجيه رسالة لرمضان صبحي لاعب المارد الأحمر السابق وبيراميدز الحالي، بعد حصوله على بطاقة حمراء في أول مباراة رسمية له رفقة فريقه الجديد أمام الاتحاد السكندري في افتتاح الدوري الممتاز لموسم 2020 - 2021، وذلك عبر برنامجه الصباحي "مع شوبير"، اليوم الأربعاء، على إذاعة "أون سبورت إف إم".

حيث قال : "عايز أقول لرمضان صبحي طول ما انت سايب ودنك للجمهور والسوشيال ميديا مش هتعرف تلعب"

وتابع ً: "نقطة الخلاف بين جماهير الأهلي ورمضان إنه كان لازم يبقى واضح وصريح من البداية، أول ما جاله عرض كان لازم يقول، لكنه في النهاية لاعب موهوب، لازم يراعي نفسه وموهبته ويركز".

وأتم: "لو رمضان فضل مركز مع الجمهور والسوشيال ميديا هيبقى متعصب في الملعب، يا ريت يبعد عن الشد العصبي ويركز في الملعب مع فريقه ، لأن بيراميدز فريق كويس ومحترم، مش فريق سهل".