حمو بيكا يهدد مطرب مهرجانات : هديله علي دماغه

شارك مطرب المهرجانات حمو بيكا، جمهوره ومتابعيه بفيديو بث مباشر علي صفحته الرسمية علي موقع الصور والفيديوهات الشهير "انستجرام"، وشن من خلاله هجومًا حادًا على مطرب آخر -رفض ذكر اسمه-، بسبب تصريحاته الأخيرة بأنه احتل بمفرده قائمة أكثر 5 أغاني بحثا خلال عام 2020، دون ذكر اسم "بيكا" رغم تواجده في القائمة بأغنيتين.

وقال بيكا : "بدون ذكر أي أسماء، عام 2020 جرى البحث على محرك البحث جوجل، على 5 أغاني هي الأنجح، وهي (عود البطل، بنت الجيران، شمس المجرة، أنا بيكا ما لاف الفانس، هلا والله)، مينفعش تطلع تقول الأغاني من غير ما تقول مين اللي عملها، بلاش تنسب النجاح لنفسك بس".

وتابع: "لما تطلع تتكلم، تحدد النجاح مين اللي عمله معاك، إنت مبنتش نفسك بنفسك، وانت ظاهر أمام الشعب المصري إنك أناني مبتحبش غير نفسك، وحابب إن انت تصنع النجومية لنفسك وبس، فكك من اللي انت بتعمله وخليك محترم وكويس".

وواصل: "أخونا عمر كمال لما سمع اللي اتقال قال إحنا نجحنا بدون تحديد أسماء، لكن اللي أنا شايفه إنك كلك على بعضك غلط، حياتك غلط، دنيتك كلها ماشية غلط في غلط، عايز تحقق نجاحك انت بس، فرجني يا فهلوي يا حلو واعمل كام تراك لوحدك، وشوف هتنجح ازاي".

واستكمل حديثه قائلا "أنا عملت نجاحات على مدار 9 سنين مع فرقتي وبره فرقتي، وكلنا بنكمل بعض، وأنا مش هسكت تاني، أي حد هيقول كلام ميعجبنيش تاني أنا هديله فوق دماغه".

وعلق عدد من متابعيه على مقطع الفيديو، وأشارت أغلب التعليقات إلى أنه يقصد مغني المهرجانات حسن شاكوش.