بالفيديو.. تطورات خطيرة في الحالة الصحية لفيفي عبده وحقيقة حجزها في المستشفي

عبرت الفنانة فيفي عبده عن إنزعاجها من الشائعات التي تم إطلاقها الفترة الماضية بعد إعلانها بمرورها بوعكة صحية، ودخولها المستشفي، مؤكدة أنها تتلقى علاجها بالمنزل، وليست محتجزة بالمستشفى كما يتردد.

ونشرت فيفي عبده، رسالة صوتية عبر حسابه بموقع "انستجرام"، واكتفت بوضع صورة لها في شبابها، وتحدثت بصوت متقطع، وقولها: "أنا في البيت، أنا عايزة أطمنكوا عليّ أنا مش في المستشفى زي ما هما منزلين، أنا عيانة وفي البيت، بتعالج في البيت عشان ضهري واجعني مش أكتر، معنديش أي حاجة، اللي عندي إني أنا محتاجة دعاء الناس، لأني فعلا مكنتش قادرة أمشي على رجليا، الحمدلله رب العالمين أديني بتعالج وإن شاء الله هبقى كويسة".

و أكملت حديثها قائلة "مش عارفة مطلعين إشاعات كتير عليّ جدا، حرام اللي هما كاتبينه ده، الحمدلله أنا كويسة، وإن شاء الله واقعة وتزول، وربنا يشفي كل مريض وأنا من ضمنهم، ومن مصر أم الدنيا بحبكم أوي، ربنا يخليكم بيت بيت".

وبدأت الحكاية منذ أعلانها في بداية شهر ديسمبر الجاري، تعرضها لوعكة صحية تسببت في إبعادها عن مواقع التواصل الاجتماعي والسوشيال ميديا.

ونشرت فيفي عبده، صورة لها عبر حسابها على موقع "انستجرام"، موجهة رسالة لجمهورها قائلة: "‏يا رب تكونوا بتدعولي يا رب".