أحمد فتحي : تركت التمثيل وسافرت بره مصر علشان مكنتش لاقي أكل

كشف الفنان أحمد فتحي، عن تفاصيل وكواليس حياته قبل الشهرة حيث قال أنه بدأ حياته الفنية من خلال التمثيل على المسرح في 1997، وظل فيه حتى عام 2005، ومن ثم ترك مصر وسافر إلى الخارج، وعمل في مهنة أخرى خارج التمثيل لمدة 11 شهر، حيث قال "كنت ببيع تليفونات برا مصر"، قبل أن يعود من جديد.

وأضاف "فتحي"، خلال لقاء خاص مع الإعلامية إيمان الحصري في برنامج "مساء دي إم سي" المذاع عبر فضائية "دي إم سي"، "أخدت قرار ترك التمثيل والسفر في الخارج عشان مكنتش لاقي آكل، وكنت بحب التمثيل جدًا، بس مبحبش أقول لحد شغلني، ومش بحب الحاجات اللي حوالين التمثيل وأروح أكلم حد عشان شغل وغيره، وفجأة لقيت نفسي مش لاقي أكل، فشكلي بقا وحش جدًا، والناس كانت بتبصلي بشكل مش حلو، اللي هو انت ممثل ومش لاقي تاكل إزاي".

وتابع بأنه من كثرة الضغوطات التي تعرض لها قرر ترك التمثيل وسافر، ولكنه لم يستطع أن يستمر خارج مصر لمدة 11 شهرًا، ومن ثم عاد مرة أخرى، لإيمانه بنفسه وبموهبته من أجل أن يعمل في المهنة التي يعشقها.

وواصل، "أنا لحد دلوقتي عندي عزة نفس مش بحب أكلم حد عشان فيلم أو مسلسل أو غيره، حتى لو حد من أصحابي داخل على عمل، عمري ما اتصل بيه عشان ميفتكرش أن عاوز أدخل معاه، بحاول دايمًا الناس متتدايقش مني خالص".