حمدي المرغني يحتفل بعيد ميلاد ابنته تمارا: نبض قلبي وسر سعادتي

احتفل الفنان حمدي المرغني بعيد ميلاد ابنته "تمارا" من خلال صورة جديدة تجمعهما مع زوجته الفنانة إسراء عبد الفتاح، وذلك عبر حسابه الشخصي على موقع تبادل الصور والفيديوهات الأشهر إنستجرام.

وعلق حمدي المرغني على الصورة قائلاً: " زي انهاردة من سنه أتولدت ضحكتنا وفرحتنا وسر سعادتنا ربنا يحفظها ويبارك فيها.. سنه كلها عياط وضحك ودكاترة وشقاوة، سنه كلها حنية وحُب منها بلا مقابل أو هدف، سنه كلها خوف وقلق عليها".

وتابع نجم مسرح مصر: "سنه كلها كلام بالهمس وهي نايمة وصراخ ودوشة منها وأحنا نايمين كانت أجمل سنه في حياتنا.. وان شاء الله كل السنين الجاية أحلي وأجمل بوجودها معانا، ربنا يبارك فيها ويبعد عنها كل شر، كل سنه وأنتي حتة مني كل سنه وأنتي نبض قلبي كل سنه وأنتي بنتي وحبيبتي كل سنه وأنتي دلوعة ماما وحبيبة بابا، كل سنة وأنتي أجمل تمارا".