تامر حسني يرفض التعصب قبل نهائى القرن و يوجه رسالة لجمهور الأهلى و الزمالك
شارك النجم تامر حسني جمهوره ومتابعيه بمنشور مطول عبر صفحته الرسمية علي موقع التواصل الإجتماعي "فيس بوك" عن مباراة القمة بين الأهلى والزمالك في نهائي دوري أبطال أفريقيا.
وكتب قائلا : «زمالك أو أهلى يعنى مصر، والدنيا كلها بتتفرج النهاردة على أولاد مصر، وبعون الله هنرفع رأس مصر لأن النتيجة أيًا كانت فهى مصرية».
وتابع: «رأيى الشخصى المُتواضع، مهما اتكلمنا كلنا فى الروح الرياضية الجميلة فى كرة القدم مش هيكون كلامنا مؤثر زى أصحاب الرياضة نفسها، يعنى لو صداقتهم الطيبة تبان فى العلن من خلال بوستات فيها سلام بين اللاعبين، هتخليهم ينقلوا الروح السلمية دى للناس ولكُل الجماهير، ولو أثناء المباراة حد خبط حد يعتذر له ويطّمن عليه، الناس فورًا هتفرح بالروح دى والروح دى هتنتقل للبيوت وللجماهير ومش هيكون فى أى نزاعات، ولو المباراة خلصت وكل لاعب جرى حضن لاعب من الفريق التانى فعلًا هيخلوا الناس فى البيوت وكل مكان فى نفس حالة السلم اللى هيصدروها، حتى لو إدارة كل نادى ألزمت كل فريق بالروح دى إجبارى لأن ولادنا يستاهلوا إنهم مايكرهوش بعض ولا يتخانقوا بسبب رياضه المفروض إنها بتجمع الناس».
واختتم: «مش منطقى برضو كل ماتش الناس تحس إن فى حرب هتحصل!! وبين مين!! أهم وأعرق الأندية المصرية اللى مشرفينا فى كل الدنيا، يا رب كل الخير ليهم ولأولادنا وللجماهير العظيمة المخلصة»