بسمة بوسيل ترد على تامر حسني: فعلاً اتهورت عشان بحبك

ردت بسمة بوسيل زوجة النجم تامر حسني على رسالة العتاب التي نشرها عبر خاصية استوري على صفحته الشخصية على موقع تبادل الصور والفديوهات الشهير إنستجرام.

وقالت بسمة بوسيل: "فعلاً اتهورت بس عشان بحبك".

وكتب تامر حسني بعد اخبار انفصالهما: "بسمة حبيبتي للاسف إنتي مفكرتيش كويس وسلمتي ودنك لشر السويشال ميديا عشان كان تعليق كلامهم فارغ.. نسوكي انك عرفتيني وأنا مشهور ودي طبيعة شغلي اللي عرفتيني عليها وحبيتني بيها.. إزاي وصلوكي للزعل والبعد فترة، المهم أنا مش هزعل منك ولا يرضيني زعلك انتي حبيبتي وأم اولادي.. أنا ضهرك وسندك مهما حصل، بس اللي عايز اقوله لعل نكون سبب خير في توعية ناس كتير".

وقد أعلنت بسمة بوسيل انفصالها عن تامر حسني من خلال رسالة قالت فيها: "لكل الناس اللي بتبعتلي صور وفيديوهات لتامر وشايفة إنه مش بيعملي احترام سواء في صور أو فيديوهات.. ياريت تبطلوا تبعتولي أي حاجة عشان مش فارقلي اي صور، وكمان أحب أعرفكوا إني إحنا بقالنا فترة منفصلين، وبنحضر أوراق الطلاق".