خالد الغندور عن صلح كهربا وفضل: مفيش أخوات يعملوا في بعض كده”
علق خالد الغندور نجم الزمالك السابق، على مشادة محمد فضل عضو اللجنة الخماسية ومحمود كهربا لاعب الأهلى، والتي انتهت بالتصالح، حيث صرح فضل بالأمس أن الأزمة انتهت وان كهربا اخ صغير له.
وكتب الغندور عبر فيس بوك موجها حديثه الى فضل قائلا: الصراحة يا فضل مافيش اخ كبير يعمل كده مع اخ صغير علي الهواء و مافيش اخ صغير يطنش السلام علي الأخ الكبير و كمان يمسك فيه بعد ما الاخ الكبير مسك فيه و صورة كانت سيئة و مافيش مسئول يقول الموضوع في لجنة الانضباط و بعدها يقول الموضوع خلص".
وتابع الغندور: "مافيش اتحاد ينزل بيان و بعدها يشيله عشان البيان مش عاجل اللاعب او النادي و الصراحة كفاية ضحك علي الذقون و الصراحة انك جبت ورا بعد الحملة الاعلامية اللي اتعملت عليك و ده اللي خلاك تخش علي قناة الاهلي رغم ان قناة الزمالك ياما كلمتك بس كنت ترفض عشان عيب و رغم انك حولت رئيس الزمالك للجنة الانضباط عشان اعترض عليك و علي اللجنة و قناة الاهلي هاجمتك جدا بس لم تحول احد للتحقيق بالعكس دخلت علي القناة عشان تقفل الموضوع و طبعا مافيش ايقاف ليك و لا لكهربا و صباح الفل.".
يذكر أن كهربا وفضل اشتبكا على هامش تتويج الأهلى ببطولة الدورى وتسليمه الدرع قبل التصالح بالأمس.
