شوبير لـ”حسام عاشور”: خليك واضح.. والكلام بيخسرك كتير

هاجم أحمد شوبير حارس مرمى النادي الأهلي ومنتخب مصر السابق، حسام عاشور لاعب الاتحاد السكندري عقب تصريحات الأخير أمس.

وقال شوبير في تصريحات إذاعية عبر برنامجه "مع شوبير": "حسام عاشور كل ما بيتكلم بيخسر، مش بتسكت ليه، بتتكلم علطول وكلامك بيخسرك كتير من رصيدك".

وتابع: "أنا بدافع عنك ليل ونهار، وبقول لازم يرفع درع الدوري ولازم يكون ليه دور في النادي، وأنت طالع تتكلم، الكلام دا بيخسرك كتير، وياريت تخليك واضح في كلامك معانا".

وأضاف حارس مرمى الأهلي ومنتخب مصر السابق: "الاتحاد من الأندية اللي بنحبها وكل المسؤولين فيها نكن لهم كل الاحترام والتقدير، وليس له علاقة بذلك، ولكن خليك واضح وأنت بتتكلم، لافتا إلى أن حسام عاشور من الممكن أن تكون أول مواجهة له مع الاتحاد السكندري أمام الأهلي في بطولة كأس مصر".