عمرو محمود ياسين يعلق على ظهور مؤمن زكريا مع أحمد عز :”كلنا غلابة والله”
قام الفنان عمرو محمود ياسين بالتعليق على حضور مؤمن زكريا لاعب النادي الأهلي لعرض مسرحية "علاء الدين" للفنان أحمد عز، وظهوره باكيا على المسرح بعد تكريمه من فريق العمل.
وكتب عمرو عبر حسابه الشخصي على موقع التواصل الاجتماعي "فيسبوك": "في جمهور كتير بعد صورة مؤمن زكريا مع أحمد عز بيدعيله ومتعاطف معاه أهلاوية وزمالكوية، من الجمهور ده هتلاقي من وسطهم لعداد كبيرة جدا قبل كده استحلت سب مؤمن واستحلت التنمر عليه هو وغيره من الشخصيات العامة".
وأضاف :"بيصل السب إلى مرحلة توجيه الإهانات بالأب والأم، وأحيانا الخوض في العرض، طيب امتى نعرف إن الحياة مش مستاهله وإن محدش يستحق إننا نهينه ونجرحه قوي كده لمجرد إنه معروف أو عمله بيعرض ع الناس".
وتابع عمرو: "امتى نفرق بين النقد والإهانة، الإنسان مخلوق ضعيف جدا والله مهما بلغت قوته وشهرته، (أكيد في ناس جلدها تخين) وأكيد في ناس مجرمة، بس مش دول طبعا اللي بتكلم عنهم.. أنا بلفت نظر نفسي ونظركم إن من الضرورة دايما نحاول إننا نستبدل بداخلنا طاقة الكراهية بطاقة الحب، وإننا نغلب إحساس الرضا على إحساس الحقد والحسد".
واختتم تعليقه : "كلنا غلابة والله.. وبجد الدنيا مش مستاهلة، نجبر بخاطر بعض أحسن والله .. وشكرا أحمد عز ومجدي الهواري على اللفته الإنسانية الطيبة".
