هيفاء وهبي :”العالم بعدا تحت الأنقاض وإنتو همكم تغنوا كايروكي على مصايبنا”
أعربت الفنانة اللبنانية هيفاء وهبي، عن استيائها الشديد من اهتمام الكثيرين بالأمور التي وصفتها بالتافهة على مواقع التواصل الاجتماعى على حساب المصائب الكبيرة الموجودة في بلادهم.
ونشرت هيفاء عبر خاصية القصص الفصيرة بموقع الصور الشهير "انستجرام" : "لو ركزنا بالشعوب رح نلاقي كل شعب عندو مشاكل بدو عمر فوق عمرو لتنحل وتنتهي بس الشعب كل همه بس إنستجرام وفيس بوك ومين زفت مع مين وهيدي كذابة وهيدا ممثل".
وتابعت هيفاء وهبي: "العالم بعدا تحت الأنقاض وإنتو همكم تغنوا كايروكي على مصايبنا.. نحنا شعوب بتستاهل اللي عم بيصير فيها ما كنا نتعلم من كل هالفترة اللي مضت انه ربنا صار باعت مليار رسالة بس لأ!! التفاهة أهم !النميمة أهم!! الشماتة أهم!! تركيب الرموش بهيدي الطريقة أهم!! وتفاهة ما بعدا تفاهة !! والسراق تمام والمسروق بيستاهل".
وأضافت : "اللي مفكر حاله صحفي ويتورط مع الأغبياء وينشر حيالله شي حتى لو الخبر مأخوذ من سطل زبالة!! وفلان قال وفلانة ردت وللقرف بقية.. لأ على فكرة عنا مصيبة لبنانية كبيرة وبعدنا عايشينا وإذا أنت نسيت فهيدا شأنك بس ما تجرب تسمح لحالك تتعامل معنا على أننا خلصنا وتجرجرني معك لمواضيع مش وقتا ولا رح أسمحلك تستغل عدم ردي على إني ساكتة وما عندي علم لا بس مش وقتها.. ما تجرب تسمح لحالك تتعامل معنا على أننا خلّصنا وتجرجرني معك لمواضيع مش وقتها ولا رح أسمحلك تستغل عدم ردي على أني ساكتة أو عندي علم لا بس مش وقته".