محمد رشاد بعد انفصاله عن مي حلمي: مينفعش نكمل بعد طلاق 3 مرات

استشهد الفنان محمد رشاد بالآية القرآنية "الطلاق مرتان فإمساك بمعروف أو تسريح بإحسان"، للرد على متابعيه وأصدقائه على السبب الرئيسي وراء انفصاله عن المذيعة مي حلمي بعد قصة حب دامت ما يقرب من العام ونصف.

وكتب محمد رشاد: "قبل أي شىء، الطلاق مرتان فإمساك بمعروف أو تسريح بإحسان، الآية الكريمة دي بتلخص تفاصيل كتير مش هدخل فيها لأنها تخصني وتخص طرف تاني كان في يوم جزء من حياتي وبعد 3 مرات طلاق أكيد مينفعش نكمل وكأنه محصلش".

وأضاف رشاد: "أنا بطلب من كل الناس سواء بتحبني أو لا بتابعني أو متعرفنيش أصلاً أنهم يعدوا الموضوع كأنه مجاش قدامهم لإني مهما شفت من تعليقات سخيفة أو كويسة أو حتى هجوم من حد.. مش هتكلم عن تفاصيل زواجي بالحلو أو الوحش وفي الأول والآخر ياريت نراعي إن البنت بتتأثر بالكلمة الوحشة قبل الحلوة".

وتابع: "قضينا أيام منها الحلو ومنها اللي مش حلو وكل شىء نصيب وقدر من ربنا وبتمنى كل الخير والسعادة للناس ولإنسانة طيبة وليها مكانة في قلبي والنصيب والعشرة انتهت لحد هنا، ودا هيكون آخر حاجة ممكن أقولها بخصوص الموضوع ده".

واختتم محمد رشاد: "أتمنى تقروا وتفهموا الكلام كويس وتنفذوه من فضلكم، كل شىء نصيب والكلمة الطيبة قدرها كبير عند الله وفي قلوب الناس".