رسالة مؤثرة وبالدموع من سعد سمير للجماهير.. تعرف عليها

طلب النجم سعد سمير، لاعب النادي الأهلي، جمهوره ومتابعيه بالدعاء لشقيقه الذي يخوض رحلة علاج شاقة مع ورم في المخ منذ سنوات عديدة، ونشر سمير صور تجمعه مع شقيقه عبر حسابه الشخصي بموقع الصور انستجرام.

وكتب سمير " دايما في تحديات الواحد بيمر بيها وصعوبات لكن أصعب ابتلاء غالبا بيكون في الصحة، ربنا ما يوريه لحد، 2015 اكتشفنا ورم في المخ وصدمنا جميعاً واتحركنا في كل الاتجاهات وربنا كرمنا وعدينا منها على خير، دائماً بشوف اخويا راضي وصابر بقضاء ربنا، مرت الأيام وأبتدئ يتحسن".

وأضاف نجم النادي الأهلي قائلاً "وبعدها بـ 4 سنين، اكتشفنا تعب تاني وورم تانى في المخ وكانت العملية اصعب والوضع خطر جدا وكان لازم نعمل عملية رغم صعوبتها ومفيش قدامنا غير ربنا سبحانه وتعالى يعدينا من الأزمة وربنا كرمنا وعدت على خير وأبتدئ مصطفي اخويا يتحرك ويفوق شوية وهو لسه 25 سنة، ساعتها قالنا الدكتور احتمال نحتاج عملية ثالثة علشان نقدر نعدي المرحلة الصعبة دي ونكون بخير، لكن في كل الظروف دي والتعب وواحد دماغه بتتفتح 3 مرات وهو لسه في عز شبابه ألا انه صابر وقانع بقضاء الله وابتسامته مش بتفرقه وهو داخل العملية واحنا قلبنا مقبوض وهو خارج منها ودائماً بتعلم منه من عزيمته واصراره ورضاه وصبره وخصوصاً ان هو سندي وظهري سواء هو او بقيت اخواتي هم الكنز الحقيقي في هذه الدنيا، ده قضاء ربنا الذي يحمد على كل شيء اللهم احفظ اخي واشفه بفضلك وكرمك وبارك لي فيه