ميدو: منظر منتخب مصر كان ”مقزز” في كأس العالم

تحدث أحمد حسام ميدو لاعب الزمالك والعديد من الفرق الأوروبية السابق، بأن منتخب مصر أستحق الخروج من كأس العالم لعدة أسباب.

وقال ميدو في تصريحات تليفزيونية: "منظر منتخب مصر كان مقزز في كأس العالم بسبب الفضايح والترينجات والمخازان والخناقات على الملأ والرعاة واللاعبين اللي خدوا فلوس عشان يطلّعوا زمايلهم في القنوات، كل دي كانت فضايح".

وأضاف: "اللجنة الخماسية عملت كتير للكرة المصرية في فترة زمنية محدودة جداً، ربما ده مكانش علي هوا الناس اللي كانت موجودة قبل كده لإن ده "عرّاهم" لإنهم مقدروش يعملوا اللي اللجنة دي عملته في فترة زمنية كانت اكبر بكتير".

وأردف: "ازاي كابتن مجدي عبد الغني "مع كامل احترامي ليه" كان رئيس جمعية اللاعبين المحترفين وبحكم منصبه لازم يجيب حق اللاعيبة من الأندية وفي نفس الوقت كان عضو مجلس الاتحاد وهدفه إنه يتجنب مُعاداة الأندية اللي هتنتخبه بعد كده".