بالفيديو..أحمد فلوكس يستعين بأحمد مكي لتحذير جمهوره من هذه الأشياء

شارك الفنان أحمد فلوكس جمهوره ومتابعيه بفيديو جديد، وذلك على حسابه الشخصي بموقع تبادل الصور والفيديوهات "انستجرام"، واستعان من خلاله بالفنان أحمد مكي أثناء مقابلة صحفية له، وكتب فلوكس على الفيديو :"احذروا الكلام ده صح جدا، بلاش ناس، ابعدوا الناس عن حياتكم، عن نجاحكم، عن تعبكم، عن حبكم و عن اللي بتحبهم، عن علاقتكم، عن كل حاجه بتحبوها و تخصصكم".

استكمل فلوكس :"علشان لما الناس بتخش أو تدخل أو تكون حواليك هما بيكون سبب الدمار وعند الجد مش هاتلاقيهم، عاوز تحافظ علي حبيبتك، على بيتك، على أولادك، على أمانك، على مكانتك، على نفسك، على نجاحك على شغلك، على علاقاتك".

اختتم فلوكس تعليقه:" ابعد عنها الناس، لإنهم هايدمروها ويدمروك ويقفوا يتفرجوا، وهتلاقي نفسك بتخسر كل حاجه، حبيبتك، مستقبلك، حياتك، أهلك، شغلك كل حاجه، علشان هاتتوجع، وفي الآخر مش الناس اللي بتدفع التمن، انت اللي هاتدفع التمن مش حد تاني، عن تجربة".

وقام الفنان أحمد فلوكس من قبل بنشر تعليق على حسابه الشخصي يطلب فيه من الصحفيين عدم التدخل في حياته، وقدم إعتذار للإعلامية ديالا مكي وقال إنها" أحسن حد في حياته".

الجدير بالذكر أن آخر أعمال فلوكس فيلم "الممر" بطولة أحمد عز وأحمد صلاح حسني وأحمد رزق، وأسماء أبو اليزيد، وهند صبري من إخراج شريف عرفة.