”فنان راقى ومحترم”.. هشام ماجد يعلن دعمه الكامل لـ يوسف الشريف

دعم الفنان هشام ماجد الفنان يوسف الشريف بعد الهجوم عليه بسبب تصريحاته الأخيره بأنه لا يقبل المشاهد الساخنة والتي تضمن القبلات والأحضان ووصفه البعض بأنه يدعى الفضيلة ويسئ لباقي زملائه.
حيث كتب قائلاً: "فى بعض الناس سواء شغالين فى المجال الفنى أو صحفيين أو ناس عادية استغلوا الكلام اللى قالوا يوسف الشريف فى برنامجه مع رامى رضوان، وابتدوا يهاجموه وقاموا ناشرين حاجات لأفلام قديمة عملها عشان يثبتوا إنه كان بيعمل الحاجات دى عادى وإنه يعنى كده بيدعى الفضيلة وكده، الفصيلة دى من البنى ادمين هما تانى (.....) حاجة بعد الكورونا".
وأضاف: "كل الاحترام ليوسف الشريف فنان راقى ومحترم بيتعب على شغله وبيحترم جمهوره، وكل الاحترام لأى حد متفق أو مختلف مع كلامه بس باحترام، وكل واحد ليه الحرية فى أفكاره طالما بيحترم اللى حواليه ومبيأذيش حد، مش عجبك كلامه تقدر ماتتفرجش على أعماله أو تقدر متشغلوش، إنما تطلع تقطع وتشوه فيه بحجة إنك المحامى المدافع عن حق الفن وحرية الإبداع تبقى شخص ناقص، بس كده، كلمتين كانوا حزئنى واتفضلوا استلمونى معاه".