دعوى نفقة.. زوجة تكشف مأساتها أمام محكمة الأسرة: اتجوز واحدة غريبة
دعوى نفقة.. أقامتها زوجة ضد زوجها أمام محكمة الأسرة لتزيح الستار عن كواليس العذاب الذي لاقته بعدما تركها زوجها وأطفالها دون أن ينفق عليهما، إذ كانت دعوى نفقة تبرز ما خفي بين طيات صفحات الذكريات المؤلمة التي قضتها الزوجة مع زوجها قبل الانفصال.
دعوى نفقة
الموجز تستعرض التفاصيل، إذ قالت الزوجة في دعوى نفقة أمام محكمة الأسرة: “عاوز يتجوز واحدة أد أمه، ولما اعترضت طلقني، مشي ورفض يصرف علينا، وأنا وعيالي مش لاقيين لا أكل ولا شرب ولا مصاريف"، حيث عبرت في افتتاح كلامها أمام هيئة المحكمة بتلك الكلمات عن مدى ما لاقته خلال حياتها معه.
تفاصيل دعوى نفقة أمام محكمة الأسرة
وأضافت الزوجة في دعوى نفقة أمام محكمة الأسرة: “اتجوزنا من 8 سنين، في أول الجواز كان حاجة كده زي البلسم، مفيش حاجة فيه كانت وحشة، لا بيرفض لي طلب، ولا حتى بيخليني أطلب أي مطلب إن كان خروج ولا فسح ولا حتى مصاريف وكل الحاجات بقى اللي الواحدة بتحتاجها في حياتها".
وتابعت: "السعادة والهدوء والراحة كنت عايشاها معاها وزادت كمان بعد ما خلفنا العيال، عيل ورا التاني والدنيا زي الفل، لحد ما بدأ بقى يقلب من حوالي سنة أو يمكن أكتر، لقيته متغير معايا ومع ولاده".
تغير مفاجئ
وواصلت الزوجة في دعوى نفقة: “بدأت ألاحظ عليه أنا والعيال إنه متغير في التعامل معانا، حاولت أعرف طيب أنا عملت إيه غلط، أو إيه اللي حصل مني ولا من عيالي، بس هو مكنش بيديني أي فرصة، لا لكلام ولا حتى لنقاش ولا للتعديل ده إن كنت غلطانة في أساس في أي حاجة".
خلافات متكررة
وأكدت: “معرفش بجد إيه اللي حصل، ولما أصريت أعرف قلبها خناق وقلب الترابيزة عليا وقالي مفيش حاجة ولا أي حاجة حصلت، وفي نفس الوقت كان بيكمل علاقته التانية عادي خالص ولا كأن فيه حاجة حصلت".
الحقيقة المُرة
واختتمت: “قبل الطلاق على طول كان بيقعد طول اليوم بره، ولما يجي يا دوب يقعد ياكل أو يشرب أو يعمل أي حاجة في التليفون، لكن لا يتكلم معايا ولا حتى مع العيال، لحد ما عرفت في يوم إنه متجوز واحد أد أمه، بصراحة مش عارفة ليه بس يمكن عشان فلوسها، لكنه بردوا لا بيصرف عليا ولا على العيال؛ لذا لجأت للمحكمة حتى أقيم دعوى نفقة لأحصل على حقي وأولادي.
اقرأ أيضًا: زوجة تقيم دعوى النفقة ضد زوجها: بياخد مصروفه من أمه
ترفع دعوى نفقة ضد زوجها.. والأبناء تدافع عن الأب أمام محكمة الأسرة
