راندا البحيري تستغيث: بتحارب وبيمنعوني من العمل
وجهت الفنانة راندا البحيري، استغاثة لـ الدكتور أشرف زكي نقيب المهن التمثيلية، بسبب محاربتها منذ 7 سنوات لعدم العمل بالوسط الفني والضرائب على حد قولها، موضحة أنها فقدت شغفها من الناحية الفنية، الموجز يكشف الحقيقة.
استغاثه راندا البحيري من الضرائب
وكتبت راندا البحيري عبر صفحتها الشخصية على موقع التواصل الاجتماعي فيسبوك: السيد نقيب المهن التمثيلية تحية طيبة وبعد.. هذا ليس بيان شجب ولا شكوى ولا أي شيء آخر.. كل ما في الأمر عرض موضوعي على حضراتكم، لقد حُربت وتم منعي من العمل بدون إبداء أسباب وبالفعل بعد أكتر من بروفة لأكتر من عمل وأكتر من محاولة لدخولي أعمال فنية بلاقي نفسي فجأة اتشالت منها ومش فيها والعمل بيكمل من غيري.
واستكملت راندا البحيري: الكلام ده بيحصل بالظبط بقاله أكتر من 7 سنوات وبيحاولوا فيه بقالهم أكتر من 13 سنة بمساعدة أحد الأشخاص خارج المجال الفني، وليس هذا صلب الموضوع أبدًا.
وأضافت راندا البحيري: أنا بتعرض بقالي 4 سنين دلوقتي لضغط لا يمكن لواحدة ست تقدر تتحمله لوحدها، أنا مشتكتش ولا خليت شكل الفن والفنانين وحش والتزمت الصمت وبقالي سنين بحاول أشتغل في مشاريع، وفيه منها اللي ربنا كرمني فيه ومنها اللي علشان عدم خبرتي الكبيرة آنذاك اتنصب عليا.
وأكملت: كنت طول عمري شخص ماشي صح جدا فيما يخص الأوراق وحق الدولة وضرائبي كلها مدفوعة من 2004 يعني بقالي 20 سنة بدفع الضرائب، وأظن لو أنا شخص مش ماشي صح مع الضرائب كان من زمان هتلاقي حد قال راندا مدفعتش أو معملتش أو كذا وكذا، ومحدش أصلا يقدر يشكك في حبي لبلدي الشديد ووطنيتي وفي نزاهتي الحمد لله رب العالمين.
واستطردت: اكتشفت من فترة أنهم حاطين عليا ضرائب جزافية بالرغم من أني مبشتغلش في التمثيل أصلا، وكل ما اكلم حد في المبنى بيقولي أصل الممثلين كلهم حصل معاهم كده مش أنتِ بس، طب أنا بتكلم عن نفسي اتكلمت مرة واتنين.
وأضافت راندا: كلمت نقيبي أشرف زكي، وهو أداني نمرة تليفون المختصة عن الممثلين أمام الهيئة العامة للضرائب، بحيث إنها تفهمهم وقالي إن الموضوع ده هيخلص لأن الممثلة دي حاليًا لا تعمل بالتمثيل، فمش هينفع إننا ندفعها فلوس قديمة هي أصلا دفعتها قبل كده.
راندا البحيري تستغيث بـ نقيب المهن التمثيلية
وأوضحت: فوجئت بعد ما المبلغ خلص أولًا بـ مبنى القيمة المضافة بيكلمني عايز يدفعني غرامة بالرغم من أنهم وعدوني مفيش غرامات.. والغرامة دي أكتر من المبلغ نفسه اللي بقسطه بقالي سنتين، ثم اتصال من كذا مأمور ضرائب عامة طالبين مني فحص كل سنين العمل اللي اشتغلتها، أفحص 2006 اللي ورقها بقى لونه أصفر؟، وطالبين أني أدفع من 2006 لحد 2024 يعني 18 سنة ضرايب أنا دافعاهم أصلا قبل كده، قولتلهم أنا دفعت ده، قالولي مينفعش، قولتلهم إيه هو اللي مينفعش؟، قالولي أصل إحنا واخدين تعليمات أن كل الممثلين يدفعوا أزيد من اللي دفعوه، قولتلهم التعليمات دي منين؟ محدش رد، قالولي كده كده هتدفعي حتى لو دفعتي قبل كده، مع الضغط عليّ اضطريت أني أعمل جلسات مع الضرايب لحد ما كل الناس هناك بقوا يشوفوني يوميًا وبجد فيه ناس تعاطفت جدا مع موضوعي لأنهم بالفعل شايفيني دفعت قبل كده، إلا مختصة الحجز كل يوم بتكلمني وتقول: أنا هحجز عليكي.
اقرأ أيضاً
في عيد ميلادها الـ41.. أبرز أزمات راندا البحيري الصحية وتحدياتها الشخصية التي صقلتها بقوة
زوايا التصوير والإضاءة السبب في ظهور وزني الزائد.. أبرز تصريحات راندا البحيري
