مادلين طبر: الراجل مش مفهوم ومالوش كتالوج وطلاقي كان صعب عليا
كشفت الفنانة مادلين طبر أسرار وخبايا حول زواجها الذي أستمر ما يقرب من سبع سنوات ، خلال وجودها ضيفه في برنامج "الستات مايعرفوش يكدبوا" المذاع عبر قناة CBC .
وتحدثت مادلين طبر عن زوجها الذي قالت عنه أنها كانت تتمني أن تعيش معه العمر كله ، ولكن أخذت قرار الإنفصال بعد أن اكتشفت خيانته أكثر من مرة ، وأنه مريض بمرض حب النساء .
وقالت: احنا اخدنا حيز من الحرية لا بأس به ، انا دلوقتي مش متجوزة إنما لما كنت متجوزة مع حفاظي على شخصيتي كنت بعدي الأمور ، ولما جوزي كان بيتعصب كنت بهرب من قدامه لأن الراحل لما بيتعصب مش بيشوف قدامه.
واستكملت: الراجل معندوش طاقة زينا يلم بيها الموضوع ، ودائما بياخد الست اللي تشبه الست والدته التي تحمل شخصية قوية ، والراجل في تركيبته أناني ومش مفهوم ومالوش كتالوج.
واختتمت مادلين: كنت شارية زوجي ومش عايزة اسيب ، واكتشفت أن طريقة تعاملي معاه جابت فايدة إلا حاجة واحدة أنه بيحب الستات وده مرض فقررت ننفصل .
ووجهت طبر نصيحة للسيدات كلنا كستات عاوزين الستر سواء المتحررة أو الملتزمة، ولو الست عاوزة تأسس حياة زوجية لازم تضحي وتعدي وتسيب المعارك للحاجات الأساسية، لأن الرجالة فيهم طفولة وبيعندوا وعاوزين رأيهم اللي يمشي.
حلم مادلين طبر قبل الشهرة
كشفت مادلين طبر عن حلمها قائلة: انا دخلت التمثيل بالصدفة ومكنش حلمي ولكن أنا خريجة إعلام وكان نفسي اكون رئيسة تحرير.
اقرأ أيضاً:
مادلين طبر تتوجه للمصل واللقاح بعد عضة الأسد روماريو
تكريم مادلين طبر بمهرجان همسة الدولي للآداب والفنون فى دورته العاشرة
