سر رفض أمير شاهين الزواج في البداية
قال الفنان أمير شاهين في لقاء له ببرنامج "شاي بالياسمين" الذي تقدمه ياسمين الخطيب على قناة "النهار": "أنا اتأخرت جدا في الزواج لأسباب كتير لأني أصلا كنت ضد فكرة الارتباط لعدم التقيد، و
طول عمري كنت شايف الموضوع أنه تقيد، أي حد من اصحابي كان يقول ليا زمان انا هاتجوز كنت اقوله هو انت مجنون ما احنا مبسوطين، انا كنت ضد الزواج".
تأثير وفاة ميرنا المهندس على أمير شاهين
وأضاف: "دلوقتي بقول الزواج لطيف مش وحش. وفاة ميرنا المهندس عملت لي عقدة وكنت المفروض اتجوزها بس القدر مأمهلناش ومحصلش نصيب وقعدت فترة علشان اتخطى الموضوع ده يمكن سنين".
علاقات أمير شاهين العاطفية
وتابع: "أنا كان عندي علاقات كتير وقصص حب كتير داخل الوسط الفني وخارجه، وكان فيه فنانة بيني وبينها قصة حب".
أمير شاهين يتحدث عن أبنائه
واستكمل: "اللي غير فكرتي عن الجواز الأولاد. دلوقتي عندي مراد سنتين ونص ومريم سنة، إحساس تاني خالص لم خلفت، والعيال الإحساس الوحيد اللي عمري ما كنت أتخيله".
وأكد شقيق إلهام شاهين أنه لو حد من أولاده عندهم الموهبة وعايز يمثل معنديش مشكلة وأرحب جدا بدخولهم عالم التمثيل، بس مراد ابني باين عليه ممثل في نفسه.
قصة زواج أمير شاهين
وتابع: "اللي شدني في مراتي منة اننا قعدنا صحاب 10 سنوات قبل الزواج، وكنا بنخرج علطول وفيه بيننا علاقات أسرية وعارف والدتها والعائلة كلها، وفضلنا اصحاب كتير وواخدين على بعض والصداقة تحولت لحب بالصدفة البحتة. وكانت بتشوف معايا صاحبات ليا وكل حاجة وعارفة عني كل حاجة".
تحول الصداقة إلى حب
واختتم: "مراتي شافت بعنيها كل حاجة عني قبل الزواج وفجأة تحولت صداقتنا إلى حب وارتباط، بس أنا توبت من ليلة الدخلة من الهيصة اللي كنت فيه من علاقات ومتقفشتش ولا مرة في أي علاقة ومعاها كل حاجة عني من باسورد الموبايل".