بسبب طرد الشيبي.. معلق مباراة الأهلي وبيراميدز يوجه رسالة للجماهير
وجه محمود أبو الركب معلق مباراة الأهلي وبيراميدز الأخيرة، رسالة إلى الجماهير، لتوضيح تعليقه على طرد الدولي المغربي محمد الشيبي في المباراة، والذي أثار الجدل بين الجماهير.
وكتب أبو الركب على صفحته الرسمية:"مساء الخير.. من فضلكم يا جماعة مش عايز حد يكون زعلان مني اطلاقا، محدش ضامن عمرهـ والواحد لا يملك إلا سيرته واحترامه لنفسه، رفعت الله يرحمه راح في لحظة، عبد الوهاب برضه الله يرحمه شباب كثير كان في وسطينا هنا والله يرحمهم".
وأضاف:"الكورة ترفيه وأنا حريص أن ميبقاش فيه أي حاجة حتى لو تفاهة تزود الاحتقان والمناخ أصلا مش ناقص مواقع التواصل معمولة علشان نتفاهم مع بعض مش نخون ونشكك وأنا سعيد بالتواصل معاكم هنا وفي كل مكان".
وتابع:"بأكد مرة تانية أن الكلمة اللي قلتها بعفوية لا أقصد إلا البطاقة ومش أول مرة على فكرة أقولها دايما المعلقين بيتكلمو بلغة الغائب (لو اصفرّت احمرت) محدش طبعا بيسأل هي ايه، بس هيا جت على قرمط.. لكن ما علينا هكون حريص جدا الفتره الجايه علي استخدام مفردات اكثر وضوحا نظرا ل طبيعه المرحلة".
واختتم:"حاولت كمان اكون لطيف وانا برد على الناس على قد ما قدرت ولو حد حس اني أتعاملت معاه ناشف شويه يسامحني والله وميزعلش.. الحياه فيها حاجات اهم من الكوره يا شباب، ربك وطنك اهل بيتك وصحتك .. القادم افضل ان شاء الله وشكرا جزيلا علي المتابعه".
اقرأ أيضا..