الحجاب مش فرض وصيام رمضان بدون صلاة.. نهى العمروسي تثير الجدل بتصريحاتها المثيرة
فاجأت الفنانة نهى العمروسي جمهورها بتصريحاتها حول اقتناعها بفرضية الحجاب في الإسلام. وأعربت عن رأيها قائلة: "الحجاب أجندة، الحجاب مش فرض، اديني آية بتقول إنه فرض، إيه اللي بيقول أن الشعر عورة؟، ومتكلمنيش في الدين وأنا مش متخصصة ممكن أقول حاجة غلط، يا جماعة ممكن أغلط لكن دي قناعاتي ولا عمري هتحجب لأني مش مقتنعة بيه خالص"، حسب تصريحاتها في برنامج "قعدة ستات".
نهى العمروسي: "أنا بحب الوحدانية"
كما تحدثت نهى العمروسي عن الأديان وقالت: "أنا مابحبش التقسيم، أنا اتولدت مُسلمة كلنا بنتولد على دين أبهاتنا، لكن أنا مش عايزة أحس إني أحسن من المسيحي أو اليهودي أو البوذي أو الهندوسي، فكرة التقسيم دي بتعمل مشاكل بين الناس، اللي هو أنا أحسن منك، أنت دينك أي كلام، أنا بحب الوحدانية، يعني كلنا زي بعض ومش بحب التقسيم".اللقاء ببرنامج «VIP»
وسبق وقالت نهي العمروسي في لقاء سابق لها: «أولاد عمتي كانوا أمراء جماعات إسلامية أيام السادات، وعمي اللي هو خالهم؛ أبو الشيوعيين في مصر».
العائلة والنقاب
وتابعت: «هناك شريحة من العائلة؛ كانت أول من ارتدت النقاب في مصر، وربوا ذقونهم، وأنا مكنتش مختلطة بيهم، كانوا محبكينها الشعر والوجه لازما يتغطى، وأنا عايشة في نادي الجزيرة مع مجتمع ثاني، وزمان مكنش فيه حجاب».
وعن رأيها الشخصي اتجاه أفراد عائلتها، أوضحت أنها كانت تنظر إليهم كمتطرفين، منوهة في الوقت ذاته أن التعامل بينهما كان قائم على الود، معقبة: «كانوا بيتعاملوا معايا كويس، وبيحبوني ومعاملتنا كانت ودودة، ولم أحتك بهم منذ دخولي الوسط الفني».
التعامل بين الطرفين
وعلى صعيد المعاملة بين طرفي العائلة الشيوعي وأصحاب الأفكار المتطرفة، قالت: «كانوا بيتعاملو زي الفل، مش بيتفقوا مع بعض، لكنهم كانوا ولا زالوا محافظين على درجة القرابة وصلة الرحم إلى الآن».
الدور الديني
وأضافت أن دور الجانب الديني على صعيد الأسرة المكونة من «الأب والأم والجد والخال»، كان مقتصرا على صيام رمضان، معقبة: «مكناش متدينين آوي، والعائلة مش ملتزمة، يعني صيام رمضان اللي يقدر عليه، من غير صلاة، وكانت مصر والبلد كلها كدا».
الصلاة في المجتمع
وتابعت: «ثلاثة أرباع المجتمع المصري من هذه الطبقة في تلك الفترة كان كدا، غير ملتزم أوي بالصلاة، وأنا بدأت أصلي لما كبرت».
نهى العمروسي وغيابها عن الساحة الفنية
يذكر أن نهى العمروسي غائبة عن الأعمال الفنية منذ سنوات، حيث كانت آخر أعمالها مسلسل "الخانكة" عام 2016، الذي شاركت فيه مع غادة عبد الرازق.
اقرأ أيضًا: