يارا تامر تكشف سر فسخ خطوبتها من مسلم للمرة الثالثة
علقت يارا تامر على فسخ خطوبتها من مغني المهرجانات مسلم للمرة الثالثة، مشيرة إلى أن حياتها مع مسلم أصبحت مستحيلة بسبب التفكير المختلف بينهما، وعدم التوفيق رغم محاولات عديدة لكلا منهما.
إعلان يارا تامر على إنستجرام
كتبت خطيبة مسلم ستوري عبر حسابها الشخصي بموقع تبادل الصور والفيديوهات القصيرة إنستجرام، قائلة: "عايزة أقول حاجة صغيرة ممكن تكون مش مهمة لبعض الناس لكن لازم أعلن دا، تم فسخ خطوبتي من مسلم للمرة الأخيرة. إحنا حاولنا كتير لكن مفيش نصيب ولا تفاهم بينا، هو شخص كويس ومحترم وكل حاجة وربنا يكرمه في حياته، لكن مشاكلنا صعبة وتفكيرنا بعيد عن بعض مهما حاولنا".
مسلم يؤكد فسخ الخطوبة
في هذا السياق، أعلن منذ قليل مسلم انفصاله عن خطيبته يارا تامر، فكتب ستوري عبر حسابه الشخصي على إنستجرام، قال فيها: "محتاج أقول حاجة يمكن مش هتكون مهمة أوي للناس دلوقتي لأن حاسس أن الناس زهقت من الموضوع ده بس حبيت أوضح علشان أريح ضميري قدام ربنا.. تم فسخ خطوبتي من يارا تامر. أتمنى لي حياة جميلة ونجاح واستمرار، لأن حاولنا كثير وأنا خسرت كثير أوي من حياتي ووقتي قصاد التجربة دي وفشلت. والحمد لله بحمد ربنا إنه بين لي كل حاجة تخليني أبقى في حالي، وأبعد وأسف لنفسي مرة ثانية، والمرة دي بجد تعلمت الدرس، شكرًا المرادي اتقفل الموضوع نهائي".
اقرأ أيضًا:
المنحوس في الحب.. للمرة الثانية مسلم يعلن انفصاله عن خطيبته يارا تامر
خناقة شوارع بين محمود العسيلي ومسلم.. إليك التفاصيل