أسرار اللقاء الأول بين وائل جسار وأسماء جلال
كشف الفنان وائل جسار عن رد فعل زوجته على تصريح الفنانة أسماء جلال، أنها كانت تحبه كثيرا وسبق وحضرت حفلا له والتقطت صورة معه، وأخبرته أنها ستتزوجه.
رد فعل زوجة وائل جسار
في مداخلة هاتفية لبرنامج "تفاصيل" الذي تقدمه نهال طايل على قناة "صدى البلد 2"، قال وائل جسار: "من باب المزاح، قالت لي البنت حلوة خلاص مفيش مشاكل تجيبها ضرة عادي".
رد وائل جسار على زوجته
وتابع وائل جسار ليكشف كيف رد على زوجته قائلا: "قلت لها أنا عندي إنتي بالدنيا كلها، هي متفهمة أن جوزها فنان وليه معجبات وعندها ثقة فيا وفي نفسها وإني اخترتها من بين ملايين البنات".
تعليق وائل جسار على تصريح أسماء جلال
وعن تصريح أسماء جلال، قال وائل جسار: "أسماء جلال اتكلمت بعفوية لا مثيل لها هي تلقائية، وقالت إن وقتها كانت صغيرة، صراحة أنا مش فاكر الموقف اللي حصل، لكن أنا عايز أشكرها من كل قلبي على حبها ليا ولأعمالي الفنية وبتمنى لها كل خير ويارب دايما تبهرنا بأعمالها، هي هتبقى نجمة كبيرة، وربنا يوفقها في حياتها وتستاهل كل خير".
رد فعل وائل جسار على لقاء أسماء جلال مع منى الشاذلي
وأكمل وائل جسار: "فوجئت بالكلام وهي قالت مع منى الشاذلي ياريت ميعرفش الكلام ده، لكن بالعكس أنا حبيت ثقتها بنفسها وإنها بتواجه وتقول كل حاجة حاسه بيها وبقلبها وقليل جدا اللي بيكون كده".
تفاصيل لقاء أسماء جلال مع منى الشاذلي
وكانت أسماء جلال قد تحدثت خلال لقائها في برنامج "معكم" مع منى الشاذلي عن تعلقها الكبير بوائل جسار قائلة: "بحبه جدا.. كنت الشخصية الملزقة اللي بحط صوره في كل حتة، وبعدين الموضوع تطور وبقيت غريبة الأطوار جدا وبقيت أحضر حفلاته كلها".
تصريح أسماء جلال عن وائل جسار
تابعت: "بقى لما يعمل حفلة أكون أول واحدة عارفه مكانها فين وأحجز ترابيزة كاملة ليا عشان أركز معاه، وكنت ألبس فستان حتى لو الناس حواليا لابسة عادي عشان يشوفني، مع إنه متجوز .. فمش فاهمة أنا كنت بعمل ايه".
وواصلت: "طبعا ولا أخد باله مني خالص لحد ما في مرة أعتقد خاف مني وقتها، لأن روحت له كنت عاوزة أتصور معاه، فقلت له عارف إننا هنتجوز؟ قالي والله!!.. كنت صغيرة والله العظيم وقتها يا جماعة.. لسه بحبه بس مش بعمل زي زمان، وربنا يبارك له في مراته وولاده".
اقرأ أيضًا:
