أحمد عز : الدعم وراء نجاح فيلم ولاد رزق 3 وجبنا اللي عمل أفلام عالمية
أنطلق اليوم الثلاثاء المؤتمر الصحفي لمسرحية «ملك والشاطر» بطولة أحمد عز ، التي ستعرض يوم الأربعاء المقبل على مسرح بكر الشدي في السعودية ، وحضر المؤتمر جميع أبطال العمل، من بينهم يسرا، شيماء سيف، سيد رجب، مصطفى غريب، بالإضافة إلى مخرج العرض أحمد حمدي.
تصريحات أحمد عز عن صناعة السينما
تحدث الفنان أحمد عز عن النجاح الكبير لفيلم "ولاد رزق 3" وأهمية الدعم في صناعة السينما، قائلاً: "لما حبينا نعمل أكشن في فيلم جبنا اللي عمل أفلام عالمية وده بيفيد الصناعة" .
وتابع :" إحنا بنشتغل عشان المشاهد اللي يقدر دلوقتي يتفرج على فيلم من أي مكان في العالم في لحظة، ولو مش هنواكب هنخرج برة المنافسة، وشايف إن الدعم حاجة حلوة لما بيتحط صح".
الدعم والابتكار في صناعة الفن
أضاف أحمد عز: "مع الفكر اللي بيحصل والدعم من هيئة الترفيه ومعالي المستشار تركي آل الشيخ، أقدر أقول إننا رايحين أبعد من كدة بكتير.
وواصل :"الخطط إنك تودي العمل العربي لمكان أبعد، ودي فائدة لينا كلنا:.
وتابع :"ولاد رزق اتصرف عليه ما يقرب من 600 مليون مصري، يعني حوالي 12 مليون دولار، وده رقم كبير جدا في الإنتاج".
وتابع :"في وقت متوسط إنتاج الفيلم تقريبا خمسة مليون دولار، وولاد رزق حقق تكلفته في أقل من 10 أيام، عشان كده الدعم لما بيبقى موجود ممكن نروح أبعد من كده بكتير وده اللي هيحصل".
نجاح باهر لفيلم "ولاد رزق 3"
حقق فيلم "ولاد رزق 3" إيرادات بلغت 6 مليون جنيهًا أمس، ونجح في تحقيق إجمالي إيرادات بلغت 170 مليون جنيهاً خلال 13 يومًا فقط، متصدرًا المركز الأول.
يضم الفيلم مجموعة من النجوم منهم أحمد عز، عمرو يوسف، آسر ياسين، محمد ممدوح، كريم قاسم، علي صبحي، سيد رجب، محمد لطفي، نسرين أمين، وأسماء جلال، وهو من تأليف صلاح الجهيني وإخراج طارق العريان.
واقرأ أيضا:
قبل «ملك والشاطر».. أبرز الأعمال الفنية التي جمعت يسرا وأحمد عز