بعد واقعة صفع معجب.. رامي صبري يتبرأ من لقب شبيه عمرو دياب

علق رامي صبري عن واقعة تشبيه بـ عمرو دياب التي كانت ترافقه في بداية مشواره الفني ، والتي كانت تصل لحد اتهامه بالتقليد وذلك من خلال إحدى البرامج الإذاعية .

تصريحات رامي صبري بشأن عمرو دياب

وقال رامي صبري:"أول ما اشتغلت قعدت فترة أسمع ده بيقلد عمرودياب ده عاوز مش عارف إيه، وأنا كنت أسمع من بعيد وأضايق من التشبيه هما بيعملوا كده ليه، هو أنا فعلًا بقلده؟ هو أنا شبهه؟ يمكن أنا متأثر بيه وأنا مش عارف، وعمرو دياب جيل تاني مش جيلي يعنى حتى لو في شبه مش أزمة".

لهذا السبب..رامي صبري يدقق في التفاصيل

واستكمل :"فضلت طول أول خمس سنوات أخلي بالي أوي لو أنا شبهه في حركة الأيد وأركز في كل التفاصيل، وبقيت كده لحد ما ابتديت واحدة واحدة أحس إن الناس ابتديت تهدى في الموضوع ده لأن الناس مكنتش عارفاني في الأول ومتعرفش أنا بعمل إيه وأنا حقيقي ولا شوية وهمشي، وأنا كنت بحاول أحافظ على شكل الأغنية اللي بقدمها حتى المزيكا أقول بلاش دي شبيهة لعمرو بقيت كده لدرجة إني خلاص داخل على 9 ألبوم ولسه مركز، والحمدلله أنا بغني من 18 سنة" .

رامي صبري يوجه رسالة لـ عمرو دياب

نشر الفنان رامي صبري فيديو لتصريحات الهضبة الأخيرة الذي قالها أثناء تواجد الهضبة عمرو دياب في العرض الخاص لفيلم ولاد رزق 3 في السعودية، حيث تحدث الإعلامي عمرو أديب مع الهضبة عمرو دياب عن إمكانية تقديمه فيلم أكشن مثل ولاد رزق بهذه التكاليف بعد 10 أعوام، ليرد الهضبة عليه قائلًا وهل انا لسه عندي 10 أعوام تاني وعلق رامي صبري عليها :"ربنا يديك العمر والصحة يا رمز مصر يا حبيبنا يا غالي" .

ويذكر أن عمرو دياب اثار جدل واسع خلال الفترة الماضية بعد واقعة صفع معجب حاول التقاط صور معه علي المسرح في احدي حفلاته

آخر أعمال رامي صبري

والجدير بالذكر آخر أعمال رامي صبري أغنية Attraction بالعربي، بالتعاون مع المطربة الأوكرانية اتولوبوف،والأغنية من كلمات Andrii Belayev والشاعر تامر حسين، هندسة صوتية نادر سليمان، كمانجا محمد مدحت، وحازت الأغنية على إعجاب الجماهير على مستوى العالم.

إقرأ أيضًا

رامي صبري يثير الجدل بتعليق غامض