نجم الزمالك يفتح النار على الإدارة بعد إصابته الأخيرة
فتح يوسف حسن نجم نادي الزمالك، النار على مجلس الإدارة برئاسة حسين لبيب، بعد إصابته وعمليته الجراحية الأخيرة، والتي يغيب على إثرها عن الملاعب منذ الموسم الماضي.
وكتب نجم الزمالك على صفحته:" أنا هتكلم بس مش عايز جمهور الزمالك يزعل مني في أي حاجة، أنا بسبب اللي بيحصل معايا ده هبطل كورة بالشكل ده أنا لا بتأهل ولا بتدرب ومستقبلي بيضيع، الكورة هي شغلي وأكل عيشي ومش عارف أنا أذنبت في إيه ولا عملت إيه علشان اللي بيحصل معايا ده ".
وأضاف:" عمر ما حد شاف مني حاجة وحشة ولا شاف إني بعمل مشاكل أنا دايما في حالي، بس اللي حصل فيا مش قليل عارف الناس ممكن متصدقش اللي بيحصل معايا بس وحياة الأيام المفترجة دي أكيد أنتوا عارفين موضوع العملية وكدة ومحدش كان راضي يعملها من الإدارة".
وواصل:" وعملتها بعد مجهود كبير جدا بعد 6 شهور قاعد في البيت، وبتحصل معايا نفس الحاجة بعدما الإداره الجديدة وعدوني هنوديك علاج طبيعي أنت لعيب مهم، أول شهر ودوني لدكتور علاج طبيعي اسمه خالد الشناوي، رحت شهر واتنين والنادي مدفعش الفلوس للدكتور العلاج وكل شوية يقولي ويطلب فلوسه".
وأردف:" طبعا اتكسفت إني اروح تاني العلاج الطبيعي أنا بقالي 3 شهور يعتبر قاعد في البيت، وحياة ربنا وحياة ربنا ما حد عبرني بمكالمة تلفون ولا حد بيرد عليا أصلا، حسبنا الله ونعم الوكيل فكل ظالم، أول مرة أشوف كده أول مره أشوف ظلم بعيني فعلا".
وأكمل:" عمري ما حصلي كده فحياتي، كل ماروح لحد يقولي اتكلم مع الإدارة، مفيش حد وقف معايا نهائي بس غلطتي اني مكنتش بطلع اتكلم، انت جايبني بفلوس مش قليلة مفروض تقدرني لاعيب منتخب مصر ليه بيحصل معايا انا فنادي كبير واسم كبير".
واختتم:" جمهور الزمالك عارف انا بحبهم ازاي بس انا اتظلمت كتير وغلطتي اني كنت ساكت مش عايز اتكلم بفكر فمصلحتي، لما لقيت الناس كلها بتهاجمني انا ومفكرني انا اللي قاعد البيت بمزاجي، محدش يزعل مني اي حد زعلته حقه فوق دماغي انا بحب جمهور الزمالك".
اقرأ أيضًا..
الزمالك يرفض التعاقد مع صفقة الأهلي المنتظرة
