”بيدو لنفسهم حجم أكبر من الطبيعي“.. شيماء سيف تثير غضب الرجال فماذا قالت؟ (فيديوجراف)
فاجأت الفنانة شيماء سيف الجمهور بخسارة 50 كيلو جرام من وزنها، مما أدى إلى تغيير ملحوظ في شكلها وأثار استغراب الجمهور، خاصة لأنها كانت تردد دائمًا: "ليه أعمل ريجيم وقدامي مكرونة بشاميل وشوكولاتة؟".
تصريحات شيماء سيف
كشفت شيماء سيف عن الأسباب التي دفعتها للتفكير في إنقاص وزنها، وذلك خلال ظهورها في أحد البرامج الفنية، حيث قالت إن السبب الذي دفعها لإجراء عملية تكميم المعدة هو زيادة وزنها وتأثيره السلبي على صحتها، أنها عندما قالت مقولتها الشهيرة "ليه أعمل ريجيم؟"، كانت صحتها جيدة.
وقالت شيماء: "أنا عاملة نيولوك، وعملت العملية بتاعة تكميم المعدة، وخدت القرار، بالرغم من إني صاحبة مقولة ليه أعمل ريجيم وقدامي مكرونة بشاميل وشيكولاتة، ولكن كنت بقول كدا عشان صحتي كانت كويسة".
وتحدثت شيماء عن معاناتها بسبب السمنة وتأثيرها على رجليها، حيث قالت:"لكن فجأة ودون سابق إنذار رجلي وجعتني، وركبتي مكنتش قادرة منها، ومش عارفة عامل إيه، وأطلع السلم وأصرخ، وكان عندي وجع فظيع، وكلمت دكتور قالي لازم أعمل أشعة، ولما بعتهاله، قالي إحنا لازم نعمل تغيير مفصل حالًا".
كما تحدثت شيماء عن دعم زميلتيها النجمة يسرا والفنانة مي كساب لها في تلك الأزمة، مشيرة إلى أنها كانت تصور أحد الأعمال في ذلك الوقت وعقبت:"وأنا بكره أدخل مستشفيات، وانهرت وجالي اكتئاب وأنا بصور، وعنيا كانت بتدمع من كُتر ما كنت زعلانة، ويسرا وقفت التصوير وقالتلي مالك روحت قولتلها، وقالتلي نروح لدكتور تاني، وروحلته قالي إني مش محتاجة أعمل عملية، لكن انتي محتاجة تخسي، ومي كساب اللي شجعتني وقالتلي متقلقيش يا شيماء ويلا ولازم نعملها، وفعلًا خدت الخطوة وخسيت 50 كيلو".
وأوضحت شيماء أنها فقدت 20 كيلو جرام مباشرة بعد العملية، قائلة:"بتخسي تدريجي بس أول فترة بتزلي 20 كيلو فجأة بعد العملية وبعد كده بتنزلي كل شهر 6 كيلو ودي حاجة مفرحة جدًا وبتقعدي تبصي على الميزان وتقولي ده أنا، ونزلت لحد دلوقتي 50 كيلو وراضية عن شكلي جدًا وكان نفسي أوقف على كده وأكتر حاجة مبسوطة منها بعد العملية إني بقيت بركع وأنا بصلي، وكنت بصلي على كرسي زي الناس الكبار ومبقتش مصدقة نفسي، ودي حاجة حلوة أوي وحاجة صحية ويارب إن شاء الله يديم علينا كلنا الصحة، وأنا شاكلي اللي بره ده مش فارق لي في أي حاجة، ولا كان فارق لي في الأول ولا دلوقتي وأنا كان فارق لي في الأول أني كويسة وسليمة ودلوقتي، ولما خضت التجربة دي اخدت مميزات أكتر بقيت خفيفة، وبتفرج على نفسي في الفيديوهات القديمة بتخض وزمان ماكنتش بشوف نفسي كده، وكنت بشوف نفسي زمان قمر ".
شيماء سيف تثير غضب الرجال
وتحدثت شيماء عن الأشياء التي تزعجها في الرجال، وهي أنهم يعطون لأنفسهم حجمًا أكبر من حجمهم الطبيعي، قائلة:" الراجل عمومًا مضايقني وجوده في الحياة والراجل مدي لنفسه حجم أكبر من حجمه، وليه انا أبقى مركزة أوي وبعمل ألف حاجة وإن هات ده وانت جاي وكلم الراجل أكد عليه يقولي لأ، وسيبك إني ممثلة مصرية أنا جاية انهاردة اشوف أخرك ايه، والراجل شخصية محدودة رحم الله امرأ عرف قدر نفسه، يبقى تعيش على هذا المبدأ وبما إني نحلة وشغالة طول اليوم عاوزاك تيجي آخر يوم تقولي كتر خيرك يا حبيبتي مش عايزة غيرها".
خلاف شيماء سيف وهنا الزاهد
وأشارت شيماء إلى وجود خلاف كبير بينها وبين النجمة هنا الزاهد استمر لمدة 8 سنوات حتى تصالحوا وظهروا سويًا في حفل زفاف ريم أخت المخرج محمد سامي، وقالت إن الخلاف حصل بسبب منشور كتبته هنا الزاهد شعرت بأنه موجه لها، قائلة:"أقسم بالله أنا عارفة أن الناس مش هتصدقني، أنا أبسط وأتفه في الخناقات من ما أنتم متخيلين، والمشكلة كانت مع صاحبتي وكنا رايحين مع بعض عزاء وحصل مشكلة بسيطة أوي وقتها وكل واحدة راحت لوحدها، وهي كتبت منشورًا حسيت إنه في تلقيح عليّ، علشان كده لقحت عليها، أنا نشرت على السوشيال ميديا ولقحت عليها على الملأ، علشان تشوفها هي وأختها، ومؤخرًا اتصالحنا، ومفيش أي مشكلة بيننا".
اقرأ أيضًا:
بكره أدخل مستشفيات وركبتي مكنتش قادرة منها.. أبرز تصريحات شيماء سيف مع ياسمين عز