زوجة عصام صاصا تثير الجدل باعترافاتها حول حادث السير الأخير مع زوجها

قالت جهاد ماهر، زوجة مؤدي المهرجانات عصام صاصا، أنه حزين جدا ويعاني من أزمة نفسية، منذ حادث دهسه لأحد الأشخاص،، وقدمت العزاء لأهل المتوفى.

زوجة عصام صاصا تتحدث عن الحالة النفسية عن زوجها

وقالت جهاد ماهر زوجة عصام صاصا في فيديو لها عبر حسابها علي انستجرام: "إحنا من ساعة الحادثة، والله العظيم ما حد بينام فينا، ولا بيتكلم ومش قادرين، وعصام كان يومها مخلص شغله، وبيتحرك من المكان، وأنا كمان كنت وراه بردو على الدائري بس كنت في عربية تانية، وكنا رايحين هنجيب رحيم، وبعدها هندبح علشان “العقيقة"، ولما عصام اتحرك على الدائري، وكانت الساعة 5 مش الساعة 7".

زوجة عصام صاصا تكشف تفاصيل الحادث

وأكدت جهاد ماهر زوجة عصام صاصا: "أنا جوزي عمره ما خبط حد، ولا بيدوس على الناس، وكل يوم بيروح شغله من نفس الطريق دا، وعمره ما عمل حادثة أصلا والحمد لله بس اللي حصل، وإن عصام كان ماشي والراجل حدف نفسه على العربية مرة واحد، وذلك على حد قولها.

واوضحت جهاد ماهر زوجة عصام صاصا: "فيه كمان حاجة عايزة أقولها، أنا شوفت فيديو لشقيق المتوفى من يومين، و كان بيتكلم عن البوست اللي عصام نزله أول ما خرج، من النيابة لما عمل التحاليل وخرج".

وتابعت جهاد ماهر زوجة عصام صاصا: "وعصام حاسس بالذنب؛ مش علشان هو غلطان زي ما بيقول أخو المتوفى، وهو طبيعي إنك تكون شايفه غلطان، بس دا في وقت زعلك وحزنك وغضبك، ولكن لما تهدى، وتسمع الشهود هتعرف أن أخوك كان بيعدي الطريق، ومكنش واقف على الرصيف زي ما أنت بتقول، وعصام ولا بياكل ولا بيشرب وبيعيط بس".

اقرأ أيضًا:

أول تعليق من عصام صاصا بعد حادث السير

مفاجأة.. اخلاء سبيل عصام صاصا بعد دهس شخص صباح اليوم