الرئيس السيسى: احنا بنبني مستقبل مصر في 4 سنوات قبل كدا اتعمل في 200 سنة
استعرض الرئيس عبد الفتاح السيسي، رئيس الجمهورية، المشروعات الكبرى التي تنفذها الدولة في إطار مشروع مستقبل مصر للتنمية المستدامة.
وقال الرئيس عبد الفتاح السيسي في تصريحاته، خلال افتتاح المرحلة الأولي من افتتاح المنطقة الصناعية في مشروع مستقبل مصر وبدء موسم الحصاد: لما بنعمل المشروع لازم نستهدف نحقق كل النتائج، ولما بقول ازرع 2 مليون فدان يبقي استهدف 2 مليون فدان.
وأضاف الرئيس السيسي: ده نقاش اتحدي بيه أي حد، الهدف ليس القدرة المالية ولكن القدرة على التنفيذ بشكل كامل، بعمل طريق 10 حارات طوله 250 كيلو لتحقيق الخدمة لكل الأراضي الزراعية الموجودة على الطريق ده مشروع قد 3، 4 محافظات كبار اتعملوا قبل كده في 200 سنة انا بعمله في 4 سنوات سواء كهرباء وبنية تحتية.
وتابع الرئيس السيسي: الفدان في المشروع ده اتكلف 350 ، 400 ألف جنيه بنية أساسية مش تستكر المبلغ عليا، اللى علمته لابد اعمله انا مش بزرع على مياه أمطار ودي مياه يتم نقلها لمسافة كبيرة وأنا طلبت فيلم عن ماخذ رشيد ومحطة الحمام وكيفية الوصول المياه علشان يعمل الإنتاج.
ووصل الرئيس عبدالفتاح السيسي، رئيس الجمهورية، ظهر اليوم مقر مشروع مستقبل مصر بمحور الضبعة، حيث يفتتح اليوم المرحلة الأولى من الصوامع وموسم الحصاد بمشروع مستقبل مصر للتنمية المستدامة.
أقرا أيضًا:
حلم الـ 100 مليون فدان.. الرئيس السيسي يحل المعادلة الصعبة في أزمة المياه
