جوزي أسلم عشاني واتحطيت علي قائمة اغتيالات الاخوان .. تصريحات نارية للجريئة إيناس الدغيدي

كشفت المخرجة إيناس الدغيدي خلال لقائها في برنامج "أسرار" الذي تقدمه الإعلامية أميرة بدر والمذاع عبر قناة النهار عن أسرار وتصريحات جريئة عن حياتها الشخصية نستعرض لكم أبرزها :

اتحطيت علي قائمة اغتيالات الاخوان عشان بنشر الفسق والفجور

تحدثت المخرج إيناس الدغيدي عن فترة حكم الاخوان وأوضحت :"الاخوان لما مسكوا الحكم أول حاجة فكرت فيها إني اعيش بره مصر وكنت هعيش في دبي ، وأسمي اتحط علي قوائم الاغتيال من جماعة منبثقة من جماعة الإخوان اسمها الوعد ، وكانوا اساتذة في الجامعات ، وكانوا حاطين رقم واحد في قائمة الاغتيال حسني مبارك ورقم اتنين شيخ الأزهر ورقم ثلاثة أنا عشان بنشر الفسق والفجور".
وتابعت :"مرة حطولي صورة السادات وعليها سلاح وكاتبين المصير ، يعني بيهددوني اني مصيري هيبقا كدة ، ومرة تانية راجعة بالليل لقيت ملثمين دخلوا ورايا الجراج وكانوا هيضربوني بمطوة وخوفت يعملوا حاجة في بنتي ، فضلت اضرب كلاكسات عشان اللي في الجراج يصحوا ، وخافوا ومشيوا".

يسرا اختارت أحمد عز عشان يبوسها

علقت إيناس الدغيدي علي رفضها للفنان أحمد عز في فيلم كلام الليل وكشفت عن سبب اختيار يسرا له موضحة :"رفضت أحمد عز عشان مكانش سنه مناسب وكان أصغر من يسرا وكان في بوسة في الفيلم ، ويسرا اختارت أحمد عز عشان وسامته وعشان يبوسها في الفيلم

زوجي أسلم علشاني

كشفت المخرجة إيناس الدغيدي عن قصة زواجها وقالت :"اتجوزت اللي بحبه وكان بيني وبينه قصة حب 9 سنين ، وكان مسيحي واتحدينا كل الظروف وأسلم علشاني ، و معملتش فرح وقبل ما اتجوز كنت مستقلة وعايشة لوحدي".

اقرأ ايضا :

اتهام هشام ماجد بسرقة قصة مسلسل أشغال شقة.. إليك التفاصيل

مطرب المهرجانات مسلم: هدخل عالم التمثيل بفيلم مع ماجد الكدواني وعمرو عبد الجليل