وفاء مكي مش بريئة .. أبرز تصريحات ميار الببلاوي في برنامج العرافة
حلت الفنانة ميار الببلاوي ضيفة اليوم في برنامج العرافة مع الإعلامية بسمة وهبة والمذاع علي قناتي النهار والمحور ، وعن إتهامها بكتم دليل براءة وفاء مي ، ردت ميار الببلاوي :"انا مخبتش الدليل انا مكونتش فاهمة ايه اللي بيحصل بسبب تضارب الاقاويل، وكنت خارج مصر ومكونتش عارفة اوصل لها .
وأضافت :"وفاء مكي مش بريئة وملهاش علاقة بالبراءة ، وسألتها الإعلامية بسمة وهبة عن قصة دليل براءة وفاء مكي ، فأجابت ميار الببلاوي :"كنت محتاجة شغالة عشان ابني كان لسة صغير فا واحدة جابتلي شغالتين كانوا شغالين عند وفاء ، ولقيت واحدة منهم شعرها محلوق فا سألت عن السبب قالتلي أن وفاء قالت عندها قراع وحلقت لها شعرها ، ايه بقي براءة وفاء في الكلام دة ؟".
وأكدت ميار الببلاوي أن وفاء مكي كانت تعذب الشغالات وتحرقهم في رأسهم ، وانها ليست بريئة والطب الشرعي أكد ان الشغالة ليس لديها مرض جلدي .
ميار الببلاوي تدعي علي إيناس الدغيدي في الحرم المكي
صرحت الفنانة ميار الببلاوي بأنها قامت بالدعاء علي المخرجة إيناس الدغيدي بسبب عدم رضاها عن المشاهد المثيرة والجريئة التي قدمتها في احد افلام إيناس الدغيدي وتابعت :"مكونتش عايزة البس مايوه ومكونتش عايزة مشهد عمرو عبد الجليل ، في مشاهد كتير في الفيلم مكونتش عايزة اعملها.
وأضافت :"كنت عايزة اعمل المشهد بعد الفطار بس رفضوا وقالوا لي لازم يتعمل قبل الفطار ، ونجلاء فتحي اقنعتني اعمل المشهد قبل الفطار .
اقرأ ايضا
ميار الببلاوي تهاجم ياسر جلال: عمل نفسه لبيس علشان ميردش عليا