بيومي فؤاد يعلق على أزمته مع محمد سلام وكاملة أبو ذكري

اثار الفنان بيومي فؤاد، جدل واسع بعد ظهوره في برنامج حبر سري، مع الإعلامية أسما ابراهيم علي قناة القاهرة والناس، بعدما تحدث عن كواليس أزمته مع الفنان محمد سلام.

وعندما عُرض على بيومي فؤاد صورة لـ محمد سلام، حاول كتم البكاء، قائلا: "ربنا معاك،، ولو هسأله هقوله أزاي متطلعش تدافع عننا، وعن محمد أنور، وهو ترشيحك، وحقك عند ربنا".

رسالة بيومي فؤاد لـ محمد سلام

وأضاف: "أنا صدقتك جدا في الفيديو، وأنت قلت في الفيديو بتاعك لا نفاق، ولا رياء، وانا قلت، وجهة نظري العبيطة عشان أنا راجل طيب مكنتش، هتخسر حاجة لو طلعت تقول، أنا مقدرش أروح، ومش معنى أن محمد أنور قدر، وراح يحصل معاه كده يا جماعة خصوصا أنك طلعت دافعت عن امير كرارة لما طلعت شائعة، أنه مشاك من المسلسل بتاعه".

وتابع: "وطلعت دافعت عن أحمد الجنايني ليه، مطلعتش تدافع عن محمد أنور، مش عني، وانا كنت كل يوم بسأل قبل، وبعد الفيديو وده اللي كنت مستنيه منك، ورزقك على الله، والعمر واحد والرب واحد، ولكل اللي شتموا، وكل اللي فهمني غلط انا غلط بس رجل واطلع في كل برنامج اقول كده".

بيومي فؤاد يعلق على هجوم كاملة أبو ذكري

وعلق الفنان بيومي فؤاد، أيضا، على هجوم المخرجة كاملة أبو ذكري عليه، بعد أزمته مع الفنان محمد سلام، بسبب تصريحاته الأخيرة، وقال: "كل واحد في حاله، ولم يحصل عتاب ولا كلام، وفي حاجات مينفعش فيها كلام، وده رأيها وهي قررت، ومكتبتليش ليه اللى عملته، ولكن هي قالت رأيها وقررت".

وأكد بيومي فؤاد أن العلاقة بينهما كانت كلها ود، وتابع : "كان في بينا كلام، وهي مخرجة كبيرة، والواحد يتمنى يشتغل معاها، وفي سجن النسا، بعتتلى وعرضت عليا 3 أدوار، وساعتها كان عندي مسلسلات كتير فرحت لها، واعتذرت لها، وتقبلت الاعتذار".

وعن موقفه من ما قالته في البوست، الذي هاجمته فيه، قال:"قبل كده هي قالت أنها كانت، واحدة من جمهوري، ومحبيني وبعدين قالت اللي قالته عليا، وأنا بقرأ البوست بعد الأزمة قلت حقى عند ربنا وكل واحد هياخد حقه".

بيومي فؤاد يتحدث عن أزمته مع موسم الرياض

وقال بيومي فؤاد أنه ليس نادم على كلامه وأنا يتحمل مسؤولية الكلام، لانه يري نفسه، راجل واعتذر فقط عن حاجة واحدة، أنه قال إنه مش جاي يضحك وقال إنه جاي يضحك والضحك شيء جميل والكوميديا شيء صعب.

وأضاف: أنا قولت ان احنا مش بتوع فلوس، وبعتذر عن دا لأن احنا بتوع فلوس، وأنا بشتغل وباخد فلوس".

وتابع: لما بطلع بمسرحية، بحس أني رئيس بعثة، ومسئول عن الناس بتوعنا، ولكنا اشتمنا لما رحنا، والحملة كانت شرسة على محمد أنور لأنه كان البديل، ومكنتش بشوف الحاجات اللى على السوشيال ميديا، ومحمد أنور كان بيبكي".

وتابع بيومي فؤاد: "كنا بننزل وقت الفطار، والغداء، والعشاء نتعشى، وهو مش معانا وكنا بنسابق الزمن، وأنور كان بيعمل البروفات والأغانى، والاستعراضات، وعملنا بروفات يزيد عن شهر، واحنا سفراء لبلدنا بيحبونا، ويحترمونا، ويقدرونا لو ده كايدكم، أو غايظكم لكن دي حقيقة، وهما بيحبونا وده غايظ اللي بيشتمنا ويدعي علينا ادعاءات والمفروض انه مثقف"، مؤكدا أن محمد أنور، كان مكتئب جدا.

كواليس أزمة بيومي فؤاد في موسم الرياض

وكان بيومي فؤاد خرج في نهاية عرض مسرحية "زواج اصطناعي" بموسم الرياض، وذلك بعد اعتذار محمد سلام، عن عدم المشاركة في المسرحية قائلا، : "من حقك أنك تعتذر عن المسرحية، لكن مش من حقك أنك تغلط في فنك، وإحنا مبنجيش، علشان نضحك حضراتكم إحنا، بنقدم فننا المصري إنتوا بتحترمونا، وإحنا بنحترمكم جدا شيء عظيم أني، أخرج اتصور مع شاب سعودي، ومع سيدة سعودية وهي تعلم أني مصري أنا بشرف بلدي".

وتابع: "أنا فنان مصري، وليا الشرف جيت المملكة العربية السعودية، وليا الشرف كتر خيركم كتر خيركم كتر خيركم، إحنا بنتعب، وبنشقى عشان نقدم فن مش عشان، نيجي نضحك لو الموضوع كده يبقى في فنانين، من أيام نجيب الريحاني لغاية محمد أنور المفروض ينتحروا إحنا بنقدم فن".

وكان محمد سلام نشر فيديو عبر حسابه بموقع فيس بوك، قال فيه، إنه توقع أن يتم إلغاء موسم الرياض، بسبب الأحداث التي تشهدها غزة، بعد قرار إلغاء مهرجانات كبيرة مثل القاهرة السينمائي والجونة، ولكن ذلك لم يحدث، فاضطر للاعتذار عن السفر، لأنه لن يستطيع أن يقدم كوميديا ويرقص، تزامنا مع ما تشهده فلسطين من أحداث مؤسفة.

وأوضح سلام أنه شعر بأنه، لو فعل ذلك كأنه يساهم في قتلهم أيضا، وهو ما رفضه تماما، ورغم يقينه أن القرار قد يأتي بنتائج عكسية له، ويؤثر على عمله ودخله فيما بعد، لكنه أصر، وقال: "مش هموت من الجوع".

اقرأ أيضًا:

ليلي علوي تواجه بيومي فؤاد للمرة الرابعة في جوازة توكسيك.. إليك التفاصيل

تفاصيل برومو مسلسل الكبير أوي 8 وكواليس مشاهد بيومي فؤاد ومحمد سلام