«كياني يضيف لأي رجل أكون زوجة له».. تصريحات جريئة من ياسمين صبري
تصدرت الفنانة ياسمين صبري، تريند جوجل، بعد ظهورها أمس في برنامج "بودكاست بيج تايم" مع الإعلامي عمرو أديب، حيث كشفت خلالها عن كواليس بدايتها الفنية، و عن تأثير الحظ في حياتها.
تصريحات ياسمين صبري
وقالت ياسمين صبري، أن الأموال تصبح أجمل عندما تأتي بسلاسة دون أن تصبح هوس لدى الإنسان، مُعلقة:"الفلوس حلوة وجميلة لما تيجي بسلاسة من غير جري الوحوش من غير ما تبقى هوس وهدف لإن لو بقت هدف وما جتش هيبقى الإنسان محطم وكدا غلط، هي تيجي تمتعني وبأجمل وأنقى الطرق".
وكشفت ياسمين صبري عن تجربتها مع الأموال، وأنها حصلت عليها بسهولة شديدة وبأقل مجهود، مُضيفة :" عملت نفسي بنفسي، وسعيك إنك ما موتش نفسك، ودا مش معناه إن الإنسان ما يبقاش محترف وما يحترمش نفسه، ولكن المجهود يكون بسيط مش مميت ورزقك كبير".
وأوضحت ياسمين صبري، أنها تشعر بمدى قوتها وكيانها المستقل، وهذا يخليها تشعر بأنّها في قمة مكانتها، وهذا لأنها تمارس مهنة التمثيل مع احترامها في عملها وملابسها وأسلوبها، وهذه ميزة يحترمها ويقدسها الرجل الشرقي.
ولفتت ياسمين صبري، إلى أنها إضافة لأي رجل، وده لأنها عانت كتير اوي في إنها تطور من نفسها وأسلوبها وطريقتها، ومافيش خطأ في حياتها، وده بيخليها إضافة لأي رجل يفكر إنه يتزوجها، ووصفت صفات الرجل الشرقي بإنها حاجة نادرة،مُضيفة:"أنا كياني يضيف لأي رجل أكون زوجة له، كل شيء اشتغلت عليه وبنيته، السمعة والأسلوب والطريقة، وعدم وجود أخطاء، كلها أشياء تضيف له، وأنا ست متحفظة في ملابسي وطريقتي وأسلوبي وأفلامي وتمثيلي وظهوري وكل شيء، والرجل الشرقي يعشق حاجة زي دي وهي حاجة نادرة".
ياسمين صبري وحلم الأمومة
وقالت ياسمين صبري إنها تتمنى أن تصبح أماً لكي تمارس رسالتها فى الحياة الأساسية في الحياة وهي إنجاب الأطفال لكي تعلمهم وتثقفهم ولكي تضيف للمجتمع أجيال واعية ومتوازنة نفسيًا، وألا يكونوا حاقدين أو غيورين، مُتابعة:"أنا نادرة في قلة ظهوري وبشتغل فقط، مش هتلاقيني في حفلة حتى لو في إطار العمل، والأمومة جزء من رسالتي في الدنيا، ويمكن كل اللي ربنا أداهولي تجهيز، مش يمكن أجيب ولد يطلع رئيس جمهورية.
وتطرقت ياسمين صبري للحديث عن بدايتها الفنية، مؤكدة على أنها من أسرة متوسطة وأن جدتها هي من قامت بتربيتها وأن بداية حياتها كانت في مدارس حكومية، وتطورت بعد ذلك بسبب تحسن المستوى المادي لوالدتها، وأنها كانت تنتقل من مدرسة لمدرسة، مُتابعة:" عشت مع كل الطبقات، وكنت بنت زي أي بنت مصرية لا عندي واسطة ولا أي حاجة، اتخرجت من الجامعة أمي قالت لي أنتِ هتصرفي على نفسك وتشتغلي واشتغلت أول وظيفة حقيقية كانت في مكتبة الإسكندرية علاقات عامة، وحاولت أتثبت في المكتبة قالوا لي لأ مفيش مكان فاضطريت أسيب المكتبة لإني عايزة دخل ويبقى عندي عربية كحماية وكنت بنت لازم آخد بالي من نفسي في الشارع بدل من ركوب التاكسي وبعد كده اشتغلت وظيفة تانية في الاتصالات وكان عندي مرتب قدرت منه أجيب عربية بالقسط من خلال البنك وكنت مرزقة بعد سنة ونصف من شغلي الاتصالات مشوني ودي كانت أحسن حاجة حصلت لي بالرغم من الصدمة، وحاربت وحاولت بس قالوا لي آسفين ".
وأكدت ياسمين صبري إنها كانت ترغب في أن تصبح مذيعة، لكن لم يكن لديها الواسطة التي تساعدها على تحقيق حلمها، قائلة:"توكلت على الله وقلت عايزة أبقى مذيعة وأشوف لي حلم جديد وأنا ما عنديش أي واسطة في الميديا وأشوف الممثلين في التليفزيون كإنهم شيء بعيد جدًّا ومفيش أي صلة، جيت أقدم في مسابقة جمال مصر فاتلغت وبعد كدا قالوا لي ادخلي مجال الإعلانات وعملت أول إعلان لشركة سيارات وبنيت حيطان كتير حواليَّ وبعد لما أخلص الإعلان ما أكلمش حد قالوا مغرورة أو انطوائية بس دا كان تحفظ وخطوط ما حدش يتعداها معايا ولا عايزة أعرف حد ولا حد يعرفني، وبعد كده اتطلبت في إعلانات تانية لحد لما بقيت أغلى فتاة إعلانات في مصر خلال شهور لإني كنت بعمل إعلانات معينة".
اقرأ أيضًا: