فيفي عبده: الراقصة مش سيئة السمعة وأنا حجيت 5 مرات والراقصات دلوقتي بزمبلك

فيفي عبده فنانة مثيرة للجدل دائما، نجمة جلست علي عرش النجومية، فحرصت علي اختيار أدوارها بعناية، لها اراء في نجوم الوسط الفني حاليا.

كشفت الفنانة فيفي عبده عن رغبتها في تقديم عمل مسرحي خلال الفترة القادمة، وسبب رفضها الكثير من الأدوار، الغير مناسبة لها.

فيفي عبده تتحدث عن حبها للفنان محمد رمضان

وذلك أثناء حلول فيفي عبده كضيفة على برنامج الراديو بيضحك، الذي تقدمه الإعلامية فاطمة مصطفى، عبر إذاعة نجوم إف إم، وعبرت عن حبها للفنان محمد رمضان.

وأكدت فيفي عبده أن محمد رمضان فنان مميز، مشيرة أنها تابعت مسلسل جعفر العمدة في رمضان الماضي، مشيرة إن، ربنا منحه نجاحات كبيرة، متابعة أنها قدمت 15 مسرحية في مسيرتها، ولم يتم تصوير سوى 3 مسرحيات منها.

وعبرت النجمة فيفي عبده، عن غضبها من ذكر كلمة الراقصة علي انها إساءة للمرأة، مؤكدة أن الراقصة ليست مرأة سيئة السمعة، وأن هناك العديد من الراقصات لهن جمهورهن الذي يحترمهن جدا.

فيفي عبده ذهبت للعمرة والحج 5 مرات

وأكدت فيفي عبده أنها عملت عمرة وحجيت 5 مرات وقالت:"عملت فرض ربنا، كفاياكم تقولوا الرقاصة، هو مفيش شماعة مايلة غير، الرقاصة؟ لأ الرقاصة دي معاها ناسها اللي بيحترموها، وبيتفرجوا عليها، قرفونا وزهقنا من كلمة رقاصة كلمة مالهاش لازمة.

وعبرت فيفي عبده، أيضا عن غضبها بسبب السؤال المتكرر عن عدد أزواجها، وتفاصيل حياتها الشخصية قائلة: بيسألني على الهواء، اتجوزتي كام مرة؟ ما خلاص خلصنا يا أخي، مش حلو أبدًا ودي حاجة سخيفة أوي، حياتي الخاصة مالكش دعوة بيها ولا تسألني فيها أبدا".

واكملت حديثها: "كلمني على شغلي، والحاجة اللي افتخر بيها زي ولادي، مفيش أسئلة جديدة خالص، والموضوع بقى سخيف أوي".

فيفي عبده: الرقص زمان كان ليه هيبة

وقالت فيفي عبده عن رأيها في الجيل الحالي من الراقصات: الجيل الحالي بعافية شوية، والرقص زمان كان ليه هيبته وقيمته، واللي كان بيتفرج كان له تقله مش زي دلوقتي ودلوقتي الرقاصة، بالزمبالك كأنها لعبة وبيقلدوا بعض، أنا كسرت الدنيا بالجلابية، ولما كنت فقيرة مكنتش بقدر أشتري بدلة أرقص بيها، ولما ربنا إداني جبت 5 مصميين أزياء واشتريت بدل رقص.

وتحدثت فيفي عبده عن تعرضها للحسد وقالت: "من قر الناس، القرآن لما باجي أقراه بيقف في بوقي، والخرز الأزرق مش لاقياه اللي كنت بلبسه، ومحدش كان بيلبس أزرق زيي وأنا مرة كنت على المسرح عندي أغنية بتقول دق الكزبرة، وأنا على المسرح بغنيها راح الهون اتكسر نصين، وقولتلهم ليه كدا".

المنتج الذي سحر فيفي عبده

واكدت فيفي عبده أنها لا تعرف المنتج الذي أدعى أنه عمل لها سحر وقالت: دا كلام فاضي معرفوش، ورديت على كلامه بطلوعي للجمهور وللناس، ودا كلام فارغ، وحد يقول الكلام دا بردو، والميديا مش كل حاجة فيها صح، في كدب كتير أوي ومكنتش أعرف كدا.

اقرأ أيضًا:

مبعملش حاجة غلط و الرقص ليه احترامه.. أبرز تصريحات فيفي عبده

فيفي عبده بإطلالة محتشمة في أحدث ظهور لها