الخيانة تدق أبواب المحاكم.. تفاصيل أغرب قضية خلع فى مصر
زوجة تبلغ من العمر ثلاثة وثلاثين عام، من داخل محكمة الأسرة، قامت برفع دعوى خلع على زوجها في منطقة إمبابة التابعة لمحافظة الجيزة بسبب خيانة زوجها مع جارتها ومطالبته لها بالانفاق عليهما، قالت الزوجة المكلومة بصوت تخنقه الدموع الغزيرة، انتظرت عام كامل موعد جلستي.
وقالت الزوجة التى تطلب الخلع، انا عايشه مع زوجي على الحلو والمر، وعايشين في غرفتين وصاله ومعايه 4 أبناء، أكبرهم 11 عام والفقر يحاصرنا من كل إتجاه ولكن كنت راضيه وبمشي أموري وان المركب تمشي وبندبر المصاريف اللي جوزي بيحصل عليها ونأكل ونسد احتياجتنا منهم وكنا عايشين وراضين الحمدلله.
واستكلمت الزوجة حديثها لـ " الموجز"، من داخل محكمة الأسرة: لكن جوزي كان بيعمل عكس كدة دمر الأسرة ودمرني معاه منه لله بسلوكة لغير أخلاقية قام بعلاقة غير مشروعه مع احد جيرانه معانا في السكن واحنا في منطقة شعبية جدا وتطورت العلاقة بينهم وكان لازم الزوج يتجوز من جارتنا الحسناء حسبي الله ونعم الوكيل.
وأضافت الزوجة بنهيار ودموع لجريدة الموجز من داخل محكمة الأسرة: زوجي بجح وعديم الرجولة بعد ما اتجوزها مبقاش يروح الشغل وضاف عبئ علينا علشان يتمتع بالعروسة الجديدة وطلب مني انا واولادي نشتغل ونصرف عليهم بجح ومعندوش دم عايزني اشتغل واصرف عليه هو والعروسة الجديدة ومقدرش ان استحملته بالحلو والمر منه لله كسرني وقهرني.
وتابعت الزوجة بوجع قلب وكسره وأنهت حديثها لجريدة الموجز من داخل محكمة الأسرة: توجهت لمحكمة الأسرة ورفعت دعوى خلع وطلب تمكين من شقه الزوجيه مكنتش عايزة اعمل كدة علشان أولادي بس هو السبب اللي وصلنا لكدة عايزني اصرف عليه هو والعروسة الجديدة يرضي مين كدة منه لله والحمد لله خلعتوا وتمكنت من الشقه في تعبي وشقيه من حقي انا واولادي وحسبي الله ونعم الوكيل.
إقرأ ايضا:
البلكيمى: زوجتى لم ترفع ضدى قضية خلع.. وعمليات التجميل حرام شرعا