مفاجأة في التحقيقات مع المتهمين بسرقة ميرهان حسين

انتهت التحقيقات في قضية سرقة شنطة الفنانة ميرهان حسين، من داخل مسكنها في المقطم، وأحالت النيابة الثلاثة "أحمد. أ" و"محمد. م" و"محمود. م"، متهمين بالقضية لمحكمة جنح المقطم، بعدما أدلوا بأقوالهم.

وأفاد مجري الضبط بأنه نفّذ عمليات مراقبة متقنة باستخدام كمائن ثابتة ومتحركة للقبض على المشتبه بهم،و اعترف المتهمان بارتكاب الجريمة وتخزين السلع المسروقة لدي صديقهما محمود مسعود، البالغ من العمر 24 عامًا والذي يعمل كهربائي، وتم ضبط المسروقات بحوزته، وهي: 4 ساعات مختلفة الأشكال والماركات، 8 خاتم ذهب، حلق ذهب، 2 كوليه، سلسلة بجنيه الذهب، 2 غويشة، وحقيبة بها متعلقات شخصية وأحذية خاصة بالفنانة ميرهان حسين.

اعترافات المتهم محمود

واعترف المتهم الثالث محمود مسعد، إنه كان خارج من منزله، وتفاجئ إلقاء القبض عليه، قائلًا:"اللي حصل إني كنت نازل من بيتي عادي خارج للكافيتريا أشرب قهوة لقيت ميكروباص وقف قدامي نزل منه 3 أمناء شرطة، ودوني القسم في طنطا، وبعدين قسم المقطم، ونزلوني الحجز مع زمايلي.

اعترافات المتهم أحمد

بينما أنكر أحمد، 25 سنة، واقعة اتهامه بالسرقة، قائلاً:"الكلام ده محصلش، واللي حصل أني اشتغلت مع المهندس حسين في شقتين واحدة في الدور الأول والثانية في الدور الثاني علوي وعملت شغل السيراميك اللي فيهم وبعدين خلصت شغل وكان معايا في الشغل محمد".

وتابع: "بعدها خلصنا الشغل اللي كان مطلوب مننا وطلبنا حسابنا والمهندس حسين كان سايبلنا حسابنا مع واحد جاره ولما جاره ده حاسبني قالي انت لك معايا 5 آلاف جنيه، قولتله تمام، وخلي المهندس حسين يبعت الباقي على فودافون كاش ومفيش مشكلة بعدها المهندسحسين كلني قالي تعالي خد باقي حسابك قولتله ماشي أنا جايلك لما وصلت مكان البيت بتاعه لقيت ناس واقفه ضربتني وشتمتني وقبضوا علينا".

اعترافات المتهم محمد

كما أنكر المتهم الثاني العامل محمد 16 سنة، عامل، سرقة ميرهان حسين، مؤكداً على أنه كان يعمل في شقتين واحدة في الدور الأول والثانية في الدور الثاني، وعندما عاد لمنزله وجد أشخاصاً قامت بالتعدي عليه بالسب والضرب، مُتابعاً:" أنا الصبي بتاع أحمد واشتغلنا مع المهندس حسين، في شقتين واحدة في الدور الأول والثانية في الدور الثاني علوي وعملت شغل السيراميك اللي فيهم وبعدين خلصت شغل وكان معايا في الشغل أحمد وبعدها خلصنا الشغل اللي كان مطلوب مننا وطلبنا حسابنا والمهندس حسين كان سايبلنا حسابنا مع واحد جاره ولما جاره ده حاسب الأسطى أحمد وقاله أنت لك معايا 5 آلاف جنيه فقاله تمام مفيش مشكلة هاخدهم وخلي المهندس حسين يجيبلي باقي حسابك فالاسطي قال ماشي أنا جايلك ولما وصلنا مكان البيت بتاعه لقيت ناس واقفة ضربتني وشتمتني وقالتلي إن المهندس حسين بيتهمنا أنا والأسطى بالسرقة وجبلنا النجدة وخدونا على القسم وروحت لقيت محمود هناك".

اقرأ أيضًا:

قرار جديد بشأن المتهمين بسرقة الفنانة ميرهان حسين

شقة تحت الإنشاء.. تفاصيل القبض علي المتهمين بسرقة ذهب وفلوس ميرهان حسين