تامر حسني يكشف سر تأخير طرح أغنيته الجديدة يا نهار أبيض

كشف المطرب تامر حسني عن سر تأجيله لأغنيته "يانهار أبيض"، عبر منشور جديد له على صفحته الرسمية بموقع التواصل الاجتماعي "فيسبوك".

تامر حسني يتحدث عن أغنية يا نهار أبيض

ورد تامر على استفسارات الجمهور قائلًا : يا شباب يا جميل، لفت نظري سؤالكم المتكرر عن اغنية ((يانهار ابيض ))الحقيقه ان اغنية (( يانهار ابيض )) محتاجه توقيت افضل يوسع لها علشان تنتشر صح ، فتم تحويلها لأغنيات الصيف علشان خلاص شهر رمضان الكريم داخل كل سنة وانتوا طيبين.

تفاصيل ألبوم هرمون السعادة لـ تامر حسني

وأضاف: الأغنيات هيبقوا 2 أو 3 عشان أكون معاكم إن شاء الله في الصيف بحاجة مبهجة تليق بيكم بعد رومانسيات و احزان الشتا اللي كأبتكم بيها.

وتابع: مبقتش شايف حد بيغنيلي إلا وبيعيط، فا ان شاء الله نرجع ببهجة جميلة في الصيف، سؤال مهم أوي محتاج رده منكم و بمنتهى الصراحة

كل حد فيكم يقولي اكتر الأغاني اللي عجبته في ألبوم هرمون السعادة كله وشكراً.

وكان تامر حسني قد أعلن عن طرح ألبوم هرمون السعادة بشكل كامل على جميع المنصات الرقمية ومنها يوتيوب وSpotify وأنغامي.