بعد تنبوء ليلى عبد اللطيف بوفاتها.. فيفي عبده تتصدر التريند
نبوءة وفاة فيفي عبده.. تصدر اسم الفنانة فيفي عبده، تريند جوجل بالسعودية، بعد تصريحات خبيرة الأبراج ليلى عبداللطيف عنها، حيث قالت في أحد المقابلات التلفزيونية لها أنها التقت معها، وأخبرتها أنها سوف تعيش لعمر الـ 80 سنة، فطلبت منها زيادة هذا الرقم، بسبب حبها للحياة.
فيفي عبده: ليلى عبداللطيف توقعت لي إني هعيش لـ80 سنة.. والعمر بإيدك ربنا
وقالت فيفي عبده، أنها تتمنى أن تعيش لمدة 100 عاماً لكي ترى نجاحات أبنائها وأحفادها، مُضيفة:" ليلى عبد اللطيف توقعت لي إني هعيش لـ80 سنة لما اتقابلت أنا وهي في طيارة قلت لها مش عاجبني الـ80 دول عندك أكثر؟ قلقت مني وقالت لي خلاص 90، طبعاً العمر بإيد ربنا بس أنا نفسي أعيش 100 سنة أشوف فيهم اللي بحبهم، أشوف ولادي ونجاحاتهم وأعيش مع أحفادي حياة حلوة".
وكانت الفنانة فيفي عبده، قد كشفت مؤخرًا، عن موقفها من ارتداء الحجاب، كما ردت على منتقدي مهنة الرقص، وغيرها من التفاصيل الخاصة بحياتها الشخصية، وذلك خلال تصريحات تلفزيونية لها.
فيفي عبده:الرقص شغل زي أي شغل ليه احترامه وناسه اللي بيقدروه
وقالت الفنانة فيفي عبده أن الرقص مهنة مثل أي مهنة أخرى، له احترامه وجمهوره الذي يقدره، مُضيفة:"الرقص حرام ليه؟ هو مش شغل زي أي حاجة، الباليه حرام؟ في حاجات كتير حرام، الرقص دا شغل زي أي شغل ليه احترامه وليه ناسه اللي بيتفرجوا عليه وليه اللي بيقدروه ويحترموه".
فيفي عبده: بعتبر إني محجبة لأني مش بعمل حاجة غلط
وأوضحت فيفي عبده أنها تعتبر نفسها محجبة، لعدم ارتكابها أفعالاً خاطئة، قائلة:"أنا متحجبة طول الوقت، الكلام دا يتقال للناس الفالته أنا بعتبر إني محجبة لأني مش بعمل حاجة غلط ومش بجيب في سيرة الناس محجبة في لساني وفي كل تصرفاتي، مطلوب مني إيه أكتر من كده وإذا كان على الشغل لو ربنا قالي في أي وقت إلبسي الحجاب هلبسه".
فيفي عبده لمنتقديها: الفنانين دول عندهم حاجات كتير حلوة إنتوا مش بتقدروها
وأكدت فيفي عبده على أنها اعتمرت 37 مرة، وأدت مناسك الحج 5 مرات، مُعلقة:" بقول للناس متشوفوش الظاهر بس اعرفوا أن الفنانين دول عندهم حاجات كتير حلوة إنتوا مش بتقدروها لكن ربنا بيقدرها، أنا لما كنت بروح مكنتش أتكلم مع مخلوق أحط حجابي أروح أصلي صلاتي وأرجع وأخد أهلي كلهم معايا، هيقولوا عاملة دا ورقاصة، أه دي نقرة ودي نقرة هو حساباته غير ويعمل اللي هو عايزة، عملت اللي يرضيني في الحياة ومطمنة جدًا حاسه إني هقابل ربنا وأنا مستريحة في أي وقت".
فيفي عبده:مظلمتش حد وأنا ماشية بما يرضي الله
وأشارت فيفي عبده إلى أنها لم تظلم أحداً طيلة حياتها، مُضيفة:" أنا ماشية بما يرضي الله مظلمتش حد وبالعكس بساعد الغلبان وإنسانة واضحة ومبعملش حاجة غلط".
وقالت فيفي عبده أن ابنتها الثالثة بالتبني موجودة في المدرسة، مُضيفة:"دي حاجات خاصة ورزق ربنا بعتهولي مبحبش اتكلم فيه، لو أتجوزت 100 مرة إيه مشكلة في كده والست ربنا قالها تطلق وتجوز عادي".
آخر أعمال فيفي عبده
وكان آخر مسلسلات فيفي عبده "شغل في العالي"، الذي عرض في دراما رمضان 2022، وشاركها في بطولته شيرين رضا، توني ماهر، بسنت النبراوي، محمد رضوان، فريد النقراشي، وآخرون من النجوم، وهو من تأليف حسين مصطفى محرم، وإخراج مرقس عادل.
إقرأ أيضاً:
مبعملش حاجة غلط و الرقص ليه احترامه.. أبرز تصريحات فيفي عبده
أبرزهن فيفي عبده ويسرا وإلهام شاهين.. نجمات الفن يكشفن حكايتهم مع السحر الأسود