العوض الحلو.. البلوجر أحلام عادل تعلن ارتباطها رسميًا

بات أسم البلوجر أحلام عادل حديث السوشيال ميديا بعد إعلانها عن خطوبتها، بعد عام واحد من إنفصالها.

أحلام عادل تعلن ارتباطها

وظهرت أحلام في جلسة تصوير جديدة بملابس شتوية من الجلد مع البلوجر محمد أسامة تعلن عن خطوبتها
وكتبت في المنشور على صورها «أنا مش مصدقة، ولا عارفة، ولا فاهمة مين دا، سبحان الله النصيب غلاب، وربنا دايماً شايلنا الأحسن، ربنا عالم أد ايه أحلام نفسها تعيش مطمنة، وفي أمان جمب شخص يفهمها ويحتويها ويحترمها، الحمد لله الحمد لله».

تفاصيل أرتباط أحلام عادل

وأضافت «طول الوقت كنا بنشتغل سوا، ونروح ونيجي، وكومنتات انتوا لايقين ع بعض، ومحدش فينا ركز معاها، وفعلا بنبعد، وسبحان الله بنلاقي حاجة تجمعنا من تاني، بس المرة دي وإحنا سوا ومش أصحاب، ومش بنصور فيديوهات، ومش أي حاجه غير أننا مرتبطين».
وتابعت «محمد الشخص اللي فعلا اتمنيته من ربنا، أنا كنت جعانه حب واحترام وأمان، كان من أحلامي أن أصحابي وأهلي يشوفوني متكرمة ومبسوطة، وأنا جنب الشخص اللي بيرضي ربنا فيا، رجولته ليا مش عليا، شخص بيحب الحياة المستقرة البسيطة، شبهي ف حاجات كتير».
وختمت «أنا حقيقي مبسوطة لدرجه أن كل شوية هاين عليا اتصل اسمع صوته واقفل السكة، بس خايفة يقول عليا هبلة، الحمد لله الحمد لله بجد».

طلاق أحلام عادل

وكانت احلام اشتهرت بعد زواجها الأول من مصمم أزياء وطلاقها بشهر العسل، حيث أعلن مصمم الأزياء أحمد العجمي زوج البلوجر أحلام، عن انفصاله عنها، عبر حسابه الشخصي على موقع التواصل الاجتماعي فيس بوك، «قدر الله وما شاء فعل تم الانفصال رسمي انا وام ابني، يشهد ربنا اني مشفتش منها غير كل خير، وسبب الانفصال عدم تفاهم ليها مني كل الاحترام والتقدير ».

انفصال البلوجر أحلام والعجمي

وأثار خبر طلاق الثنائي جدلا كبيرا على السوشيال ميديا، حيث علق البعض على منشور العجمي، «انتو بترعبونا انا حقيقي زعلت عليكو من قلبي يارب الدنيا تتصلح، استهدو بالله انتو بنكم طفل ربنا يهدي النفوس، كان واضح ان مفيش تفاهم اساسا انت شخصية جادة جدا وهي مرحة اووي ربنا يصلح حالكم ويرزقكم الخير».

طلاق أحلام والعجمي للمرة الأولى

لم تكن هذه المرة الأولى التي يتم فيها الطلاق رسميا، حيث اثار الثنائي الرومانسي الجدل في العام الماضي بالتحديد بعد الفرح الاسطوري بمدة قصيرة بانفصالهما.

وكتبت أحلام عادل من خلال الستوري الخاص بها حينها: ""أنا رجعت من العمرة مضروبة ومطلقة عشان جبت مصليات لزمايلي الولاد والبنات"، مضيفة: "ملحوظة كانت مصلية مش ازازة خمرة".