نشوى مصطفى: كنت اتمنى اعيش وقت غير اللي انا عايشاه

تحرص الفنانة نشوى مصطفى، على التواصل مع جمهورها من خلال صفحتها على مواقع التواصل الإجتماعى، حيث كشفت عن أمنيتها من خلال منشور عبر "فيس بوك".

وكتبت: “كنت اتمنى اعيش وقت غير اللي انا عايشاه الخمسينات والستينات مثلاً ماقبل انتشار الجهل والانحدار الفكرى والاخلاقى — وقت كان فيه ثقافة وفكر وفنون واخلاق واحترام ورقى وشياكة الحياة كانت ابسط واجمل ومفيهاش القبح اللي عايشينه دا”.

وفي سياق اخر، كتبت نشوى مصطفى عبر السوشيال ميديا: "حلمى انى اكون ممثلة بدايتها كانت وانا عندى ١١ سنة ، كانت اول مرة اشوف فيلم باب الحديد الممثل اللي بيعمل دور قناوى سحرنى مكنتش اعرف اسمه ولا اعرف انه مخرج ولا كنت افهم يعنى ايه مخرج".

وأوضحت نشوى مصطفى :" طفلة عندها ١١ سنة احلامها شبت خارج حدود اسوار طبقة اجتماعية متفهمش يعنى ايه لما يسألوها عايزة لما تكبرى تطلعى ايه تقول لهم عايزة ابقى ممثلة، حاربت علشان اكون ممثلة وقدرت، بس معرفتش احارب علشان اكون ممثلة زي ما كنت اتمنى".