انتهاء الخلاف بين هشام المليحي ورانيا شاهين

حرص الفنان هشام المليجي على الاعتذار لصديقته رانيا شاهين، بعد أن طلب منها مؤخرًا، ألا تكتب شيئًا عنه مرة أخرى، بعد أن كشفت أنه يعاني من أزمة نفسية، بسبب قلة مشاركته في أعمال فنية، في الفترة الأخيرة.

وكتب هشام المليجي منشورًا، عبر حسابه الشخصي بموقع التواصل الاجتماعي فيس بوك، قال فيه: أنا متضايق من نفسي جدًا، لأني كنت عنيف مع زميلتي، اللي كانت عاوزه تساعدني، وغلطت في الأسلوب، ومش عارف أعمل إيه.. أخواتي وأقرب الناس ليا ميعرفوش دواخلي، ولا حياتي الشخصية.

وتابع هشام المليجي: وأنا مطلبتش منهم مساعدة لأنهم أولى الناس بمساعدتي، ده لو كان عندي أزمة، عشان كده أنا انفعلت، ومكنش المفروض أكتب وأنا غضبان، متزعليش مني يا رانيا، وحقك عليّا أنتِ عارفة إنك غالية عندي، وطول عمرنا جدعان مع بعض، وأنا بعتذر لك قدام الناس كلها.

وأعربت رانيا شاهين عن غضبها من قبل، واستيائها من تصريحات هشام المليجي، حيث كتبت منشورًا، عبر حسابها الشخصي بموقع التواصل الاجتماعي فيس بوك، قالت فيه: حياة إيه يا هشام اللي أنا داخلة فيها، بلاش إزعاج، هي وصلت للدرجة دي، أنت بتشهر بيا حياتك إيه ده، ده أنا تاني مرة أكتب عنك من 6 سنين، وعمري ما جبت سيرتك على الفيس، لو عايز تتشهر على قفايا تبقى متعرفنيش، عيب عليك أنت راجل كبير في السن، وربنا يحفظنا من سوء الكِبر.

وردت شاهين على اعتذار الفنان هشام المليجي، بعدما كتبت منشور عنه حول معاناته من الاكتئاب بسبب قلة مشاركته في الأعمال الفنية، لـ يرد الأخير، موضحا أنه لا يعاني من الاكتئاب ولم يطلب منها أي مساعدة، ولكنه اعتذر بالنهاية عن أسلوبه معها.

وأعادت رانيا شاهين مشاركة اعتذار هشام، عبر حسابها الرسمي بموقع التواصل الاجتماعي فيسبوك، وعلقت قائلة: تمام يا هشام حصل خير مافيش حاجة، مع إنك كحرتني كحرتة على السوشيال ميديا وأنا ماعملتش حاجة.. بس تمام إحنا أخوات وجيران.

وواصلت: ربنا يوفقك، وانبسط وربنا يبعتلك كل الخير ويحققلك كل اللي نفسك فيه، وأنا كمان غلطانة كان المفروض اسألك الأول، بس عارفني وعارف نيتي.