محمود المهدى يهاجم أشرف زكى: مفيش حد فوق القانون

هاجم الفنان محمود المهدي زوج الفنانة منة عرفة، نقيب المهن التمثيلية أشرف زكى، مشيرًا أنه سيتخذ الإجراءات القانونية ضده بعدما وصفه بالنكرة أمس.

وكتب محمود المهدي على حسابه الشخصي بـ انستجرام: هيتم أخذ الإجراءات القانونية من شخص مفروض قدوة للفن والممثلين ومفيش حد فوق القانون، وللأسف مافيش حد هيقف معايا في ده عشان المصلحة.. بس الحمد لله الأهم من كل ده ربنا معايا، وعمري ما هسكت لما أشوف حاجة غلط.

وسبق وانتقد الدكتور أشرف زكي، محمود المهدي زوج الفنانة منة عرفة، بعدما هاجم الفنانة إلهام شاهين، قائلًا: لن نترك أحدا يهين فنانا وينال من سمعة الناس.. واحد نكرة كاتب على نفسه فنان بيشتم فنانة كبيرة.. وبقوله أنت منتحل صفة فنان، مفيش فنان أيها النكرة قليل الأدب.. بقينا مادة ثرية لكل من يبحث عن الشهرة.

وبعدها رد عليه محمود المهدي قائلًا: معلش والله أنا نكرة بس راجل الحمد لله وعندي وش واحد مش فنان وطبال هي الأصوات دي فين لما الفنان محمد صبحي اتشتم عيني عينك ولا عشان أنا معنديش رز.

يذكر أن محمود المهدي، كان قد أعلن استياءه من العادات السائدة في المجتمع المصري حاليًا، قائلًا: بجد الزمن دا الرجولة بقت عيب تقريبا والناس بقت عايزة الواحد يكون ديوث أو يرفع أرايل، بس والله اتربينا على الرجولة وكلمة الحق وأننا منخافش غير من اللي خلقنا والحمد لله إننا اتربينا على كدا