منة فضالى تكشف معاناتها مع طفل توفى قبل تبنيها له

كشفت الفنانة منة فضالي عن تفاصيل حول نيتها لتبني طفل تركته والدته بعد ولادته، عبر حسابها الشخصي على موقع التواصل الاجتماعي انستجرام.

وكتبت: “الولد ده اتولد من 5 ايام امه خلفته في مستشفي في الفيوم وقالتلهم انا مش عاوزاه ارموه في الشارع الممرضه صعب عليها خدته تربيه جوزها قالها تبقي طالق مني لو الولد ده فضل في البيت راحت مرجعاه المستشفي تاني واحده تانيه بتشتغل معايا في البيت اختها اخدته تربيه سافرت الفيوم واخذت الولد وودته لدكتور طلع عنده الصفره بتقولي النهارده قولتلها هاتيه انا هتبناه لاني نفسي يبقي عندي طفل من شويه بتكلم اختها قالتلها الولد مات بعد ما ابتديت اخد اجراءات التبني مش قادره اوصفلكم حالتي حقيقي ولا اوصف كرهي للست اللي خلفت حته لحمه ورمتها وراحت تشوف نفسها جالها قلب ازاي ترمي ضناها مهما كانت ظروفها ابنها ضناها ازاي في امهات ب القذاره دي بس يعلم ربنا اني كنت حخليه احسن حد في الدنيا مش الام اللي بتخلف الام اللي بتربي”.

وتابعت: “انا بكتب البوست ده لاني فعلا موجوعه من قلبي وكنت فرحانه اني حاخد الولد بس ربنا مش رايد.. ربنا يرحمك برحمتو وحسبي الله ونعمه الوكيل في الست دي ربنا ينتقم منها اشد انتقام د احنا الحيوان بيصعب علينا ما بلكم طفل ملوش اي ذنب غير ان واحده معندهاش قلب ولا ضمير ترمي ابنها”.

وشاركت منة فضالي في حكاية "تاج راسنا بابا" من مسلسل نصيبي وقسمتك الجزء الرابع.

وكانت بداية انطلاق أجزاء مسلسل “نصيبي وقسمتك” الجزء الأول عام 2016، الذي كتبه المؤلف عمرو محمود ياسين حيث كانت تتكون كل حكاية في الجزء الأول طرح 15 حلقة من المسلسل، وكان لكل قصة 3 حلقات، وفي الموسم الثاني أصبحت 9 حكايات، وكذلك أيضًا الموسم الثالث، واستمر نجاح مسلسل “نصيبي وقسمتك” لثلاثة مواسم كل موسم مجموعه من حكايات ، ثم جاء بعد نجاحه علي شاشه الدراما العديد من الاعمال الدرامية المنفصلة المتصلة