سر تجميد بويضاتها وتعرضها للتحرش.. أبرز تصريحات مايا دياب المثيرة للجدل
عبرت الفنانة مايا دياب، عن رغبتها بالإنجاب مرة أخرى، موضحة أنها بدأت بالفعل في تجميد بويضاتها لتمكنها من الإنجاب في أي وقت.
وقالت مايا دياب خلال لقائها في برنامج بصراحة مع برفقة نيللي كريم: أنا نفسي أجيب ولاد تاني وسألت بنتي ووافقت، وأنا حاليا بجمد بويضاتي، وبشجع الناس على تجميد البويضات؛ لأن محدش بيعرف الدنيا هتحصل فيها إيه وخصوصا بعد ما الستات بقت بتشتغل ومعتمدة على نفسها ودا بيخوف الراجل، وبالتالي سن الزواج اتأخر.
وواصلت: وبجمد بويضاتي عشان إحساس أني بدي فرصة لروح تانية أنها تعيش حتى لما أنا أموت وجسمي يتحلل، وأنا ميهمنيش البنت تتجوز كبيرة ولا صغيرة، أنا مع الزواج الواعي، وأن البنت بقت واعية وقررت أنها تتجوز بكامل أرادتها، وعن نفسي أنا عايزة أتجوز تاني طبعا.
وأضافت مايا: أنا مع فكرة الزواج المختلط جدا، لأن دا بيخلي الشخص أنضج وعقله أكبر، وبيساعده يحترم كل الناس، مهما كانت ديانته مسلم أو مسيحي والمهم سلوك الشخص وأخلاقه وليس ديانته.
وعن تفاصيل تعرضها للتحرش في إحدى حفلاتها، موضحة أنها لم ترتدِ أي شيء لافت للانتباه، مشيرة: أنا اتعرضت للتحرش في حفلة من حفلاتي ومش هقول البلد اللي كان فيها الحفلة، بس أنا نزلت على المسرح وحد مد أيده عليا وكنت لابسه فستان مقفول وكبير، وعيب أني أقول لبسي لأن دا مش مبرر بس أنا بحكي، وكان فستان زي بتوع أميرات ديزني يعني مفهوش أي حاجة ملفتة.
وواصلت: واتمدت الأيد على مكان حساس في جسمي، ولفيت وقعدت أصرخ وشوفت المتحرش بنفسي، وقولت هو دا وجابوه وضربوه بس أنا متحركتش من مكاني مع إن هكانوا بيشدوني بالعافية عشان أمشي، وضربته برجلي على وشه وارتحت لما خدت حقي وفرحت.
ومن ناحية أخرى تعيش مايا دياب حالة من النشاط الفني، حيث طرحت آخر فيديو كليب لها ويحمل اسم أكتر شوية، من تأليف وألحان عزيز الشافعي، وإخراج جاد شويري، ونال الفيديو كليب إعجاب الجمهور، حيث كسر حاجز ال900 ألف مشاهدة منذ طرحه على موقع الفيديوهات يوتيوب من 11 يوما.
وجاءت كلمات الأغنية كالتالي: أكتر شوية وأهتم بيا، أكتر شوية وأسأل عليا، قدر تتقدر تتغندر تتمنظر، تأمر تتأمر دلع تتدلع، تتظبط تتشرط تحكم وتقرر، تاخد عنيا أكتر شوية.
وطرحت مايا أغنية أهلا وسهلا من تأليف محمد الكياتي، وألحان محمد يحيي، وتخطت الأغنية حاجز ال3 مليون مشاهدة منذ طرحها على موقع الفيديوهات يوتيوب من 3 أشهر.